2 Mga Cronica 6:27 - Marahay na Bareta Biblia

²⁷ hinanyoga sinda hale sa langit, asin patawada an kasalan kan saimong mga sorogoon, an banwaan nin Israel; tukdoan mo sinda kan marahay na gibo na dapat nindang sunodon. Dangan, O Kagurangnan, tawe nin uran an saimong daga, an daga na itinao mo sa saimong banwaan bilang pamana.

2 Mga Cronica 6:27 ပူးပေါင်းရင်းမြစ်များ

2 Mga Cronica 7:14

dangan magpakumbaba an sakong banwaan, mag-atubang sako, mamibi asin talikodan an saindang mga maraot na gibo, hale sa langit, dadangogon ko sinda, papatawadon an saindang kasalan asin papauswagon an saindang daga.

Salmo 119:33

Tukdoan sako, Kagurangnan, an kahulogan kan saimong mga katogonan, asin ootobon ko iyan sagkod sa kataposan.

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 25:8

Marahay saka matanos an Kagurangnan; kaya an mga lagalag tinutukdoan niya kan dalan na dapat lakawan.

Salmo 68:9

O Dios, pinauran mo nin makosog asin pinauswag mo an saimong naalang na daga;

Salmo 94:12

Paladan an tawo na sinasagwe mo, Kagurangnan, an tinutukdoan mo kan saimong togon!

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 42:3

Mamibi ka na ipahiling samo nin Kagurangnan na satong Dios an dalan na dapat nyamong lakawan asin kun ano an dapat nyamong gibohon.”

Jeremias 5:24

Dai nanggad nindo inisip na omawon ako maski ngani ako an minapadara saindo nin uran sa tamang panahon saka minapaabot kan panahon nin pag-ani sa lambang taon.

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Ezekiel 34:26

“Bebendisyonan ko sinda asin tutugotan na mag-erok sa palibot kan sakong banal na bulod. Papadarahan ko sinda duman nin uran sa tamang panahon; an uran na iyan magigin sarong bendisyon.

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Joel 2:23

“Maggayagaya kamo, banwaan nin Sion, mag-ogma kamo sa ginibo para saindo kan Kagurangnan na saimong Dios. Itinao niya saindo an tama sanang uran; pinahugpa niya para saindo an dakul na uran, an enot saka an huring uran arog kaidto.

Mikas 4:2

asin masarabi an saindang namamanwaan, “Magturukad kita sa bulod nin Kagurangnan, sa Templo kan Dios nin Israel. Tanganing matukdoan niya kita kan dapat tang gibohon asin maglakaw kita sa saiyang mga dalan. An katukdoan nin Kagurangnan naghahale sa Jerusalem; nagtataram siya sa saiyang banwaan hale sa Sion.”

Zacarias 10:1

Hagad kamo nin uran sa Kagurangnan pakatapos kan tiglipot, bago mag-abot an tig-init, huli ta siya an naggigibo kan mga dampog, an nagtatao nin dakul na uran tanganing magin berde an kaomahan para sa gabos.

Juan 6:45

Nasusurat sa libro kan mga propeta, ‘Tutukdoan nin Dios an gabos na tawo.’ An nakadangog sa ama saka nakanood, minadolok sako.