2 Mga Cronica 6:26 - Marahay na Bareta Biblia

²⁶ “Kun serahan mo an langit asin dai mag-uran huli ta nagkasala sinda saimo dangan kun magsolsol sinda saka mag-atubang sa Templong ini, mapakumbaba na mamibi saimo,

2 Mga Cronica 6:26 ပူးပေါင်းရင်းမြစ်များ

2 Mga Cronica 6:25

hinanyoga sinda hale sa langit, saka patawada an kasalan kan saimong banwaan; ibalik mo sinda sa daga na itinao mo sa sainda saka sa saindang mga ginikanan.

2 Mga Cronica 7:13

Kun serahan ko an kalangitan tanganing dai mag-uran, o kun pagbotan ko an mga doron na kakanon an mga tinanom, o padarahan ko nin peste an sakong banwaan,

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Ezekiel 14:13

“Aki nin tawo, kun an sarong daga nagkakasala asin nagigin bakong maimbod sa sako, uunaton ko an sakong kamot asin raraoton ko an ginigikanan kan saindang kakanon. Mapadara ako nin makuring gutom asin gagadanon ko an mga tawo saka mga hayop.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Levitico 26:19

Babarion ko an kapaabaw-abawan kan saindong kapangyarihan; dai magkakaigwa nin uran asin magigin mamara saka matagas siring sa lansang an saindong daga.

Lukas 4:25

Alagad ini an masasabi ko: dakul an mga babaeng balo sa Israel kan panahon ni Elias, kan dai mag-uran sa laog nin tolong taon may kabanga asin nagkaigwa nin makuring gutom sa bilog na daga.

Deuteronomio 11:17

Kun gibohon nindo iyan, maaanggot saindo an Kagurangnan asin pupugolon niya an uran kaya dai matao nin bunga an daga. Magkakagaradan tolos kamo duman, maski ngani marahay an daga na itinatao niya saindo.

Deuteronomio 28:23

Dai magkakaigwa nin uran kaya magigin matagas siring sa lansang an saindong daga.

Kapahayagan 11:6

An duwang saksing ini igwa nin kapangyarihan sa pagsera kan langit nganing dai mag-uran sa panahon kan saindang pagpropesiya. May kapangyarihan man sinda na gibohon dugo an tubig, saka pasakitan an kinaban nin gabos na klaseng peste anoman na oras na booton ninda.