2 Mga Cronica 6:24 - Marahay na Bareta Biblia

²⁴ “Kun an banwaan mong Israel madaog nin kaiwal huli ta nagkasala sinda saimo dangan kun magbalik sinda saimo asin mamibi digdi sa Templo, mapakumbabang maghagad saimo nin kapatawadan,

2 Mga Cronica 6:24 ပူးပေါင်းရင်းမြစ်များ

2 Mga Cronica 6:25

hinanyoga sinda hale sa langit, saka patawada an kasalan kan saimong banwaan; ibalik mo sinda sa daga na itinao mo sa sainda saka sa saindang mga ginikanan.

Salmo 44:10

Pinadulag mo kami sa samong mga kaiwal; an mga sadiri mi saindang sinamsam.

Salmo 51:4

Tumang saimo, sa saimo sana, nagkasala ako. Ginibo ko an maraot sa atubang mo. Kaya matanos ka sa paghukom sako; dai nasasala sa pagpadusa sako.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Levitico 26:37

Madadasmagan nindo an saindong kaiba asin matutumba kamo maski mayo man nin naglalamag saindo. Dai kamo makakalaban sa saindong mga kaiwal.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.

Josue 7:8

O Kagurangnan, ano an sasabihon ko ngunyan na nagdulag sa kaiwal an Israel?

Hukom 2:11

Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.