2 Mga Cronica 6:21 - Marahay na Bareta Biblia

²¹ Hinanyoga an saimong mga sorogoon pati an saimong banwaan na Israel sa panahon na mamibi kaming atubang sa lugar na ini. Hinanyoga kami hale sa saimong erokan sa langit dangan patawada.

2 Mga Cronica 6:21 ပူးပေါင်းရင်းမြစ်များ

2 Mga Cronica 30:27

Dangan hinagad sa Kagurangnan kan mga padi asin kan mga Levita na bendisyonan an banwaan. Sa langit na saiyang erokan nadangog dangan inako nin Dios an saindang pamibi.

2 Mga Cronica 6:22

“Kun magkasala sa saiyang kapwa an sarong tawo asin pasumpaon siya sa atubangan kan saimong altar digdi sa Templo,

2 Mga Cronica 6:39

hale sa langit na saimong erokan, hinanyoga an saindang mga pamibi dangan maherak ka sainda. Patawada sinda kan gabos nindang kasalan.

Salmo 123:1

Kagurangnan, sa saimo itinitingkalag ko an sakong mga mata; sa saimo, na nag-eerok sa kalangitan.

Parahulit 5:2

Mag-isip ka ngona bago ka magtaram; dai ka tolos-tolos manuga sa Dios, huli ta an Dios nasa langit, mantang ika nasa daga. Kaya dai ka magtaram nin sobra sa dapat mong itaram.

Isaias 18:4

Sinabihan ako nin Kagurangnan, “Madungaw ako hale sa langit na mayong ribok arog kan ambon na nahahaman sa mga bangging maalingahot kun tig-ani; mayong ribok siring sa pagliwanag kan aldaw kun odto.

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 44:22

An saimong mga kasalan pinara ko siring sa panganoron. Magbalik ka sako; ako an nagligtas saimo.”

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Daniel 9:19

Kagurangnan, dangoga kami. Kagurangnan, patawada kami. Kagurangnan, hinanyoga kami asin paghiro! Maghidali ka, tanganing maaraman kan gabos na ika an Dios! Saimo an syudad asin an banwaan na ini.”

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Mateo 6:12

Patawada kami kan samong mga kasalan, siring kan pagpatawad nyamo sa mga nagkasala samuya.

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;