2 Mga Cronica 6:13 - Marahay na Bareta Biblia

¹³ Nagpagibo si Solomon nin sarong bronseng plataporma na ipinabugtak niya sa tahaw kan patyo. Igwa ini nin sukol na dos metros, beynte sentimetros an laba, dos metros, beynte sentimetros an lakbang saka sarong metro, treynta sentimetros an langkaw. Nagsakat siya duman, dangan nagluhod na atubang sa katiriponan nin Israel asin initaas an saiyang mga kamot.)

2 Mga Cronica 6:13 ပူးပေါင်းရင်းမြစ်များ

1 Mga Hade 6:36

Ginibo sa atubangan kan Templo an panlaog na patyo, na napapalibotan nin kudal na ginibo sa paagi nin pagbabaw kan kahoy na sedro sa lambang tolong babaw na gapo.

1 Mga Hade 7:12

Siring kan balkon asin kan panlaog na patyo kan Templo, an patyo kan palasyo igwa man nin mga kudal na ginibo sa paagi kan pagbabaw nin kahoy na sedro sa lambang tolong babaw nin tinarabas na gapo.

1 Mga Hade 8:54

Nakaluhod si Solomon sa atubangan kan altar asin nakaitaas an saiyang mga kamot mantang namimibi. Kan matapos an saiyang pamibi,

2 Mga Cronica 4:9

Nagpagibo siya nin panlaog na patyo para sa mga padi asin saro pang panluwas na patyo. An mga pinto kan mga patyong ini ipinapatos niya sa bronse.

2 Mga Cronica 6:12

Dangan sa panhiling kan bilog na banwaan, nagtindog si Solomon sa atubangan kan altar saka initaas an saiyang mga kamot sa pagpamibi. (

Esdras 9:5

Kan oras na kan pagdolot kan pangbangging sakripisyo, nagtindog ako hale sa pagmondo asin mantang sulot ko pa an gisi kong gubing saka alikboy nagluhod ako asin initaas ko an sakong mga kamot sa pagpamibi sa Kagurangnan na sakuyang Dios.

Nehemias 1:4

Pakadangog ko kaini, nagtukaw ako asin naghibi. Nagkapirang aldaw akong nagmondo saka nag-ayuno. Nagpamibi ako sa Dios,

Nehemias 8:4

Nakatindog si Esdras sa ibabaw nin sarong platapormang kahoy na ginibo para sa okasyon na idto. Nagtirindog sa saiyang too si Mattitias, si Sema, si Anaias, si Urias, si Hilkias, saka si Maaseias; nagtirindog sa wala niya si Pedaias, si Misael, si Malkias, si Hasum, si Hasbaddana, si Zacarias, saka si Mesullam.

Salmo 95:6

Madya, magduko asin magsamba kita, lumuhod kita sa atubang nin Kagurangnan na satong Kaglalang!

Exodo 9:29

Nagsabi si Moises, “Pakaluwas ko sa syudad, iitaas ko an sakong kamot sa pagpamibi sa Kagurangnan. Maontok an pagdaguldol asin an pag-uran nin yelo, tanganing maaraman mong an Kagurangnan iyo an kagsadiri kan kinaban.

Daniel 6:10

Kan maaraman ni Daniel na pinirmahan na an pagboot, nagpuli siya sa saiyang harong. Sa sarong kwarto sa itaas kan saiyang harong, igwa nin mga bintana na nakaatubang sa Jerusalem. Duman, sosog sa dati niyang ginigibo, nagluhod siya sa may mga bukas na bintana asin namibi sa Dios tolong beses sa sarong aldaw.

Lukas 22:41

Dangan nag-oroenotan siya sainda na may sarong daklag nin gapo an distansya, asin nagluhod saka namibi.

Mga Gibo 20:36

Pakataram ni Pablo kaini, nagluhod siya dangan namibi kaiba ninda gabos.

Mga Gibo 21:5

Pakatapos kan pitong aldaw, nagpadagos na kami kan samong pagbyahe. Hinatod kami kan mga disipulo, kairiba an saindang mga agom saka mga aki, sagkod sa luwas kan syudad. Kami gabos nagluhod sa baybayon dangan namibi.