2 Mga Cronica 6:12 - Marahay na Bareta Biblia

¹² Dangan sa panhiling kan bilog na banwaan, nagtindog si Solomon sa atubangan kan altar saka initaas an saiyang mga kamot sa pagpamibi. (

2 Mga Cronica 6:12 ပူးပေါင်းရင်းမြစ်များ

2 Mga Hade 11:14

Nahiling niya duman an bagong hade na nakatindog sa may harigi, sosog sa kaugalean, napapalibotan kan mga opisyal kan hukbo asin kan mga paratrompeta. An gabos na tawo maogmang nagkukurahaw saka nagpapatanog kan mga trompeta. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

2 Mga Cronica 6:11

Ilinaog ko sa Templo an Kaban nin Tipan, na namumugtakan kan duwang tablang gapo kan tipan na ginibo nin Kagurangnan sa banwaan nin Israel.”

2 Mga Cronica 6:13

Nagpagibo si Solomon nin sarong bronseng plataporma na ipinabugtak niya sa tahaw kan patyo. Igwa ini nin sukol na dos metros, beynte sentimetros an laba, dos metros, beynte sentimetros an lakbang saka sarong metro, treynta sentimetros an langkaw. Nagsakat siya duman, dangan nagluhod na atubang sa katiriponan nin Israel asin initaas an saiyang mga kamot.)

An Libro ni Job 11:13

“Tanosa an saimong puso, Job. Unata an saimong kamot pasiring sa Dios.

Salmo 141:2

Akoon mo an sakong pamibi siring sa insenso; asin an initaas kong mga kamot bilang pamangging atang.

Salmo 143:6

Iniitaas ko an mga kamot ko sa pagpamibi saimo; siring sa alang na daga, an kalag ko napapaha saimo.

Salmo 28:2

Dangoga an tingog nin sakong pakimaherak, kun nag-aapod ako saimo sa paghagad nin tabang, kun iniitaas ko an sakong mga kamot sa banal mong erokan.

Salmo 63:4

Pasasalamatan taka mantang buhay ako; iitaas ko an sakong mga kamot asin aapodon ko an saimong ngaran.

Salmo 68:31

Maabot an mga sugo hale sa Egipto; mga kamot iitaas kan mga taga Etiopia sa pagpamibi sa Dios.

Exodo 9:33

Binayaan ni Moises an hade; nagduman siya sa luwas kan syudad, asin itinaas an saiyang mga kamot sa pagpamibi sa Kagurangnan. Dangan nag-ontok an daguldol, an yelo asin an uran.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

1 Timoteo 2:8

Kaya mawot ko na sa lambang pagtiripon saen man na lugar, an mga lalaki dapat na mamibi, mag-itaas nin kamot, mayong raot sa boot o kaanggotan sa kapwa.