2 Mga Cronica 6:11 - Marahay na Bareta Biblia

¹¹ Ilinaog ko sa Templo an Kaban nin Tipan, na namumugtakan kan duwang tablang gapo kan tipan na ginibo nin Kagurangnan sa banwaan nin Israel.”

2 Mga Cronica 6:11 ပူးပေါင်းရင်းမြစ်များ

1 Mga Hade 8:21

Nag-andam man ako nin sarong lugar sa Templo para sa Kaban na namumugtakan kan duwang tablang gapo kan tipan na ginibo nin Kagurangnan sa satong mga ginikanan kan iluwas niya sinda sa Egipto.”

1 Mga Hade 8:9

Mayo nin ibang laog an Kaban kundi an duwang tablang gapo na ibinugtak duman ni Moises kan yaon siya sa Bukid nin Sinai, saen nakipagtipan an Kagurangnan sa banwaan nin Israel pakahale ninda sa Egipto.

2 Mga Cronica 5:10

Mayong ibang laog an Kaban kundi an duwang tablang gapo na ibinugtak duman ni Moises kan yaon siya sa Bukid nin Sinai, saen nakipagtipan an Kagurangnan sa banwaan nin Israel pakahale ninda sa Egipto.

2 Mga Cronica 5:7

An Kaban nin Tipan nin Kagurangnan ilinaog kan mga padi sa pinakalaog na santwaryo kan Templo, sa Kabanal-banaleng Lugar, sa irarom kan mga pakpak kan mga kerubin.

2 Mga Cronica 6:10

“Inotob ngunyan nin Kagurangnan an saiyang panuga. Nagin kasalihid ako kan sakong ama na si David bilang hade nin Israel, asin itinugdok ko an Templo para sa Kagurangnan, an Dios nin Israel.

2 Mga Cronica 6:12

Dangan sa panhiling kan bilog na banwaan, nagtindog si Solomon sa atubangan kan altar saka initaas an saiyang mga kamot sa pagpamibi. (

Salmo 50:5

Nagtaram siya, “Daraha nindo sako an maimbod kong banwaan, na nakipagtipan sako huli sa pagdolot nin atang.”

Exodo 40:20

Dangan kinua niya an duwang tablang gapo asin ilinaog sa Kaban nin Tipan. Isinurok niya an mga pasanan sa mga siningsing kan Kaban asin tinakopan ini.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.