2 Mga Cronica 6:1 - Marahay na Bareta Biblia

¹ Dangan namibi si Solomon, “Kagurangnan, pinili mo na mag-erok sa mahibog na kadikloman.

2 Mga Cronica 6:1 ပူးပေါင်းရင်းမြစ်များ

2 Mga Cronica 6:2

Itinugdok taka nin sarong magayon na Templo, sarong lugar na saimong erokan sagkod lamang.”

Salmo 97:2

Panganoron asin kadikloman an nasa palibot niya; katanosan asin hustisya an mga pundasyon kan saiyang trono.

Exodo 20:21

Alagad padagos na nagtindog sa harayo an mga tawo; si Moises sana an nagdolok sa mahibog na panganoron saen yaon an Dios.

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Deuteronomio 4:11

“Sabihan nindo an saindong mga aki kun paano kamo nagdolok asin nagtindog sa pamitisan kan bukid, na nagkakalayo sagkod sa kalangitan saka natatahoban nin kadikloman sagkod sa panganoron.

Hebreyo 12:18

Arog kan mga Israelita, dai kamo nagdolok sa sarong bulod na nadudutaan—sa Bukid nin Sinai na may naglalaad na kalayo, may kadikloman, may dampog, may bagyo,