2 Mga Cronica 5:7 - Marahay na Bareta Biblia

⁷ An Kaban nin Tipan nin Kagurangnan ilinaog kan mga padi sa pinakalaog na santwaryo kan Templo, sa Kabanal-banaleng Lugar, sa irarom kan mga pakpak kan mga kerubin.

2 Mga Cronica 5:7 ပူးပေါင်းရင်းမြစ်များ

1 Mga Cronica 22:19

Kaya maglingkod kamo sa Kagurangnan na saindong Dios sa bilog nindong puso asin kalag. Poonan na nindo an pagtugdok kan Templo, tanganing ikabugtak nindo diyan an Kaban nin Tipan nin Kagurangnan saka an banal na mga kagamitan para sa pagsamba saiya.”

2 Mga Cronica 35:3

Hinulitan niya an mga Levita, an mga paratukdo nin Israel, na kinonsagra para sa Kagurangnan. Sinabihan niya sinda, “An banal na Kaban nin Tipan ibugtak nindo sa Templo na ipinatugdok ni Solomon na aki ni David. Dai na nindo iyan pagparadarahon sa manlaen-laen na lugar, kundi paglingkodan nindo an Kagurangnan na saindong Dios asin an Israel na saiyang banwaan.

2 Mga Cronica 4:20

an mga kandelero asin an mga ilawan na gibo sa purong bulawan na maglalaad sa atubangan kan Kabanal-banaleng Lugar, sosog sa plano;

2 Mga Cronica 5:4

Kan tiripon na an gabos na kamagurangan, binuhat kan mga Levita an Kaban nin Tipan

2 Mga Cronica 5:6

Nagtiripon sa atubangan kan Kaban nin Tipan si Solomon pati an bilog na banwaan nin Israel, dangan nagdolot nin karnero saka baka, na dai mabilang sa kadakulan.

2 Mga Cronica 5:8

Natahoban kan nakaunat nindang mga pakpak an Kaban nin Tipan asin an mga pasanan kaini.

2 Mga Cronica 6:11

Ilinaog ko sa Templo an Kaban nin Tipan, na namumugtakan kan duwang tablang gapo kan tipan na ginibo nin Kagurangnan sa banwaan nin Israel.”

Salmo 132:8

Kagurangnan, lumaog ka sa lugar na saimong pinagpapahingaloan, kaiba an Kaban nin Tipan, na tanda kan saimong kapangyarihan.

Ezekiel 41:4

Sinukol niya an kwarto: dyes metros kwadrado ini. Dangan sinabihan niya ako, “An pinakalaog na kwartong ini iyo an Kabanal-banaleng Lugar.”