2 Mga Cronica 5:2 - Marahay na Bareta Biblia

² Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin an mga lider kan mga kamaganakan kan banwaan nin Israel, tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

2 Mga Cronica 5:2 ပူးပေါင်းရင်းမြစ်များ

2 Samuel 5:7

Alagad nasakop ni David an bantayan nin Sion, asin nabantog ini sa ngaran na “Syudad ni David.”)

2 Samuel 6:12

Naaraman ni Hadeng David na huli kan Kaban nin Tipan, benendisyonan nin Kagurangnan an pamilya ni Obed Edom asin an gabos na pagsadiri niya; kaya nagduman si David sa harong ni Obed Edom asin kinua an Kaban nin Tipan dangan dinara sa Jerusalem; nagkaigwa sinda nin dakulang selebrasyon.

1 Mga Cronica 15:1

Nagpatugdok si David nin mga harong para saiya duman sa Syudad ni David. Nag-andam man siya nin sarong lugar para sa Kaban nin Tipan nin Dios, asin nagpatugdok nin sarong tolda para digdi.

1 Mga Cronica 15:12

dangan sinabihan, “Kamo an mga namamayo kan mga kamaganakan ni Levi. Magpakabanal kamo asin an kapwa nindo mga Levita, tanganing pwede kamong magdara kan Kaban nin Tipan nin Kagurangnan, an Dios nin Israel, pasiring sa lugar na inandam ko para digdi.

1 Mga Cronica 15:25

Kaya nagduman sa harong ni Obed-edom si David, an kamagurangan nin Israel asin an mga opisyal kan hukbo tanganing kuahon an Kaban nin Tipan; nagkaigwa sinda nin dakulang selebrasyon.

1 Mga Cronica 15:3

Kaya tinipon ni David sa Jerusalem an bilog na Israel tanganing darahon an Kaban nin Tipan sa lugar na inandam niya para digdi.

1 Mga Cronica 16:1

An Kaban nin Tipan nin Dios dinara ninda sa tolda na inandam ni David. Ibinugtak ninda duman an Kaban nin Tipan, dangan nagdolot sinda sa Dios nin mga tinutong na atang saka mga dolot para sa katoninongan.

1 Mga Cronica 24:31

Sa atubangan ni Hadeng David, ni Zadok, ni Ahimelec, asin kan gabos na pamayo kan mga pamilya nin mga padi saka mga Levita, nagripa man an lambang pamayo nin pamilya asin an sarong ngohod na tugang na lalaki kaini, siring kan ginibo kan saindang mga kadugo, an mga padi na naggikan ki Aaron.

1 Mga Cronica 24:6

Turno-turno an kapagarakian ni Eleazar asin ni Itamar sa pagripa. An eskriba na si Semaias, na aking lalaki ni Netanel, iyo an nagtala kan saindang mga ngaran sa atubangan kan hade, kan mga opisyal, kan padi na si Zadok, ni Ahimelec na aking lalaki ni Abiatar, asin kan mga pamayo kan mga pamilya nin mga padi saka nin mga Levita.

1 Mga Cronica 26:26

Si Selomit saka an mga kaayon sa saiyang pamilya iyo an namahala kan gabos na regalo sa Dios na idinolot ni David, kan mga pamayo nin mga pamilya, kan mga lider kan mga grupo nin kamaganakan, asin kan mga opisyal nin hukbo.

1 Mga Cronica 28:1

Tiniripon ni David sa Jerusalem an mga opisyal nin Israel, an mga opisyal kan mga tribu, an mga pamayo kan mga grupong naglilingkod sa hade, an mga opisyal nin mga rinibo saka mga ginatos, an mga administrador kan gabos na rogaring saka mga hayop kan hade saka kan saiyang mga aking lalaki, dangan an gabos na opisyal, an makokosog na mga lalaki asin an mga bantog na paralaban.

2 Mga Cronica 1:4

Alagad nasa Jerusalem an Kaban nin Tipan, sa sarong tolda na itinugdok ni Hadeng David, kan darahon niya an Kaban nin Tipan hale sa Kiriat-jearim.)

2 Mga Cronica 5:1

Kan mahaman na an gabos na ipinagibo ni Solomon para sa Templo nin Kagurangnan, ilinaog niya sa mga sarayan na kwarto an gabos na kinonsagra ni David, na saiyang ama, para sa Kagurangnan—an plata, bulawan asin an gabos na kasangkapan.

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 87:2

namomotan nin Kagurangnan an syudad nin Jerusalem orog ki sa gabos na banwaan nin Israel.

Levitico 9:5

Dinara ninda ini gabos sa atubangan kan Tabernakulo siring sa ipinagboot sainda ni Moises, asin an bilog na Israel nagtiripon duman tanganing sambahon an Kagurangnan.

Mga Bilang 10:33

Pakahale kan mga Israelita sa Sinai, an banal na bukid, tolong aldaw sindang naglakaw. Naenot sainda an Kaban nin Tipan nin Kagurangnan tanganing maghanap nin lugar na saindang mapapahingaloan.

Mga Bilang 10:36

Kun minaontok na an Kaban nin Tipan, minasabi si Moises, “Pagbalik, O Kagurangnan, sa ribo-ribong pamilya nin Israel.”