2 Mga Cronica 4:6 - Marahay na Bareta Biblia

⁶ Nagpagibo man siya nin sampolong palangganang hanawan. An lima kaini ibinugtak niya sa parteng habagat kan Templo, an lima sa parteng amihan. Gagamiton an mga ini sa pagbalnaw kan mga kabtang kan mga hayop na tinutong bilang sakripisyo, mantang an tubig sa laog kan tangke iyo an gagamiton sa paghanaw kan mga padi.

2 Mga Cronica 4:6 ပူးပေါင်းရင်းမြစ်များ

1 Mga Hade 7:38

Naggibo man si Huram nin sampolong palanggana, saro para sa lambang kariton. An ngabil kan lambang saro may hiwas na sarong metro may otsenta sentimetros, asin nalalaogan nin otso syentos na litro nin tubig.

1 Mga Hade 7:40

Naggibo man si Huram nin mga kaldero, pala asin mga mangko. Tinapos niya an gabos na ipinagibo saiya ni Hadeng Solomon para sa Templo nin Kagurangnan: An duwang harigi An duwang kapitel na pormang mangko sa ibabaw kan mga harigi An sinalapid na mga kadena para sa mga kapitel An kwatro syentos na granadang pansamno, duwang raya nin granada para sa sarong kadenang nasa lambang kapitel An sampolong kariton An sampolong palanggana An tangke An doseng baka na natutumbawan kan tangke An mga kaldero, pala, asin mangko An mga kagamitan na ini para sa Templo, na ipinagibo ni Hadeng Solomon ki Huram gabos gibo sa makintab na bronse.

2 Mga Cronica 4:2

Nagpagibo man siya nin sarong bilog na bronseng tangke na duwang metros may beynte sentimetros an rarom, apat na metros may kwarenta sentimetros an hiwas asin trese metros may beynte sentimetros an pabilog na sukol.

Salmo 51:2

Hugasi ako kan gabos kong karatan; linigi ako kan sakong mga kasalan!

Exodo 29:4

“Ipag-iba mo si Aaron saka an saiyang mga aking lalaki sa may pintoan kan Tabernakulo dangan karigoson mo sinda duman.

Exodo 30:17

Nagtaram an Kagurangnan ki Moises,

Ezekiel 40:38

Sa patyong nasa luwas, igwa nin sarong edipisyong kasugpon kan trangkahan na nasa laog, sa parteng amihan. Agihan ini pasiring sa dakulang kwarto na atubang sa patyo, asin digdi hinuhugasan an binunong mga hayop na tututongon bilang sakripisyo.

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

1 Corinto 6:11

An iba saindo arog kaiyan kaidto. Alagad pinatawad na kamo kan saindong kasalan; idinolot na kamo sa Dios. Nagin matanos na kamo sa Dios huli ki Jesu-Cristong Kagurangnan asin huli kan Espiritu nin satong Dios.

Hebreyo 9:14

orog pang nakakalinig an dugo ni Cristo, na huli sa daing kataposan na Espiritu, nagdolot kan saiyang buhay bilang daing digtang atang sa Dios, sa paglinig kan satuyang konsyensya sa mga gibong mayo nin halaga tanganing makapaglingkod kita sa Dios na buhay.

Hebreyo 9:23

Kaya an mga bagay na ini kaipuhan sa paglinig kan mga bagay na kaagid sana kan nasa langit; alagad an mga langitnon na bagay nangangaipo nin mas marahay na mga atang ki kan mga ini.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.