2 Mga Cronica 4:22 - Marahay na Bareta Biblia

²² an mga pamalsok kan ilaw, an mga mangko, an mga plato para sa insenso, asin an mga bugtakan nin baga. Gabos ini gibo sa purong bulawan. An mga pinto sa luwas kan Templo asin an mga pinto pasiring sa Kabanal-banaleng Lugar pinatos sa bulawan.

2 Mga Cronica 4:22 ပူးပေါင်းရင်းမြစ်များ

1 Mga Hade 6:35

An mga pinto sinamnohan nin mga inukit na mga kerubin, mga kahoy na palma, asin mga bukad na burak. An gabos na ini napapatos nin bulawan.

1 Mga Hade 7:50

an mga kalis, an mga pamalsok kan ilaw, an mga mangko, an mga plato para sa insenso, asin an mga bugtakan nin baga; an mga bisagra kan mga pinto kan Kabanal-banaleng Lugar asin kan panluwas na mga pinto kan Templo. An gabos na kagamitan na ini gibo sa purong bulawan.

2 Mga Hade 12:13

Alagad an kwartang ini dai ninda ibinabayad sa paggibo kan mga palangganang plata, pamalsok nin ilaw, mangko, trompeta o ano man na kasangkapan na bulawan o plata.

2 Mga Hade 25:14

Kinua ninda an mga kaldero, mga pala, mga pamalsok nin mitsa, mga mangko para sa insenso, asin an gabos na kagamitan na bronse na ginagamit sa paglingkod sa Templo.

2 Mga Cronica 4:21

an mga burak, an mga ilawan asin an mga pansipit;

2 Mga Cronica 5:1

Kan mahaman na an gabos na ipinagibo ni Solomon para sa Templo nin Kagurangnan, ilinaog niya sa mga sarayan na kwarto an gabos na kinonsagra ni David, na saiyang ama, para sa Kagurangnan—an plata, bulawan asin an gabos na kasangkapan.

Exodo 25:38

Gibohon nindo sa purong bulawan an pansipit sa mitsa asin an mga bandehado.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Exodo 37:23

Ginibo niya an pitong ilawan para sa kandelero. An mga pansipit sa mitsa asin an mga bandehado ginibo niya sa purong bulawan.

Jeremias 52:18

Kinua ninda an mga kaldero, mga pala, mga pamalsok nin mitsa, mga palanggana, mga mangko para sa insenso, asin an gabos na kagamitan na bronse na ginagamit sa Templo.

Ezekiel 41:24

An lambang pintoan igwa nin duwang dahon na minabuka saka minasera sa tahaw.