2 Mga Cronica 4:2 - Marahay na Bareta Biblia

² Nagpagibo man siya nin sarong bilog na bronseng tangke na duwang metros may beynte sentimetros an rarom, apat na metros may kwarenta sentimetros an hiwas asin trese metros may beynte sentimetros an pabilog na sukol.

2 Mga Cronica 4:2 ပူးပေါင်းရင်းမြစ်များ

2 Mga Hade 25:13

Rinonot kan mga taga Babilonia an mga bronseng harigi, an mga kariton sa Templo asin an dakulang bronseng tangke, dangan dinara ninda sa Babilon an bronse.

1 Mga Cronica 18:8

Nagkua man siya nin dakul na bronse hale sa Tibhat asin sa Kun, mga syudad na sakop ni Hadadezer. (An mga bronseng ini iyo an ginamit ni Solomon sa paggibo kan tangke, kan mga harigi, asin kan mga kagamitan sa Templo.)

2 Mga Cronica 4:3

Sa palibot, sa luwas na parte kan tangke, igwa nin duwang raya nin mga samno, an sarong raya nasa ibabaw kan saro. An mga samno porma nin baka na hinaman sa saro sanang pedaso nin bronse kaiba an bilog na tangke.

Exodo 38:3

Ginibo man niya an gabos na kagamitan kan altar: mga kawa, mga pala, mga mangko, mga kawit asin mga bugtakan nin baga. Ginibo niya ini gabos sa bronse.

Exodo 38:8

Ginibo niya an bronseng palanggana asin an bronseng tumbawan hale sa mga salming kan mga babaeng naglilingkod sa pintoan kan Tabernakulo.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Tito 3:5

ilinigtas niya kita, bakong huli sa anoman na gibo tang matanos, kundi huli kan saiyang pagkaherak. Ilinigtas niya kita sa paagi kan paghugas sato kan tubig nin bagong pagkamundag asin bagong buhay sa Espiritu Santo.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.