2 Mga Cronica 4:1 - Marahay na Bareta Biblia

¹ Nagpagibo si Solomon nin bronseng altar, na siyam na metros an laba, siyam na metros an lakbang asin apat may kabangang metros an langkaw.

2 Mga Cronica 4:1 ပူးပေါင်းရင်းမြစ်များ

1 Mga Hade 8:22

Dangan sa panhiling kan bilog na banwaan, nagtindog si Solomon sa atubangan kan altar; initaas niya an saiyang mga kamot

1 Mga Hade 8:64

Kan aldaw man na iyan, kinonsagra kan hade an tahaw kan patyo na nasa atubangan kan Templo; idinolot niya duman an mga tinutong na atang, an dolot na pagkakan, asin an taba kan mga hayop bilang mga dolot para sa katoninongan. Duman niya ini ginibo huli ta an bronseng altar sadit nin marahay para sa gabos na dolot.

1 Mga Hade 9:25

Tolong beses sa taon na nagdolot si Solomon nin mga tinutong na atang saka mga dolot para sa katoninongan sa altar na ginibo niya para sa Kagurangnan. Nagtutong man siya nin insenso para sa Kagurangnan. Kaya tinapos niya an pagpatugdok kan Templo.

2 Mga Cronica 1:5

Yaon man duman sa Gibeon, sa atubangan kan Tabernakulo, an bronseng altar na ginibo ni Bezalel, na aking lalaki ni Uri saka makoapo ni Hur. An Kagurangnan sinamba duman ni Solomon asin kan bilog na katiriponan.

2 Mga Cronica 15:8

Kuminosog an boot ni Asa kan madangog niya an propesiya na sinambit ni Azarias na aking lalaki ni Oded. An makauuyam na mga dios-dios hinale niya sa bilog na daga nin Juda saka Benjamin asin sa mga syudad na sinakop niya sa mabulod na daga nin Efraim. Hinirahay man niya an altar nin Kagurangnan na nasa patyo kan Templo.

2 Mga Cronica 29:18

Nagduman ki Hadeng Ezekias an mga Levita dangan nagsabi, “Nalinigan mi na an bilog na Templo, an altar para sa tinutong na atang asin an mga kagamitan kaini, sagkod an lamesa para sa mga dolot na tinapay asin an mga kagamitan kaini.

2 Mga Cronica 7:7

Kinonsagra ni Solomon an tahaw kan patyo, na nasa atubangan kan Templo; idinolot niya duman an mga tinutong na atang, an dolot na pagkakan asin an taba kan mga hayop bilang mga dolot para sa katoninongan. Duman niya ini ginibo huli ta an bronseng altar na saiyang ipinagibo sadit nin marahay para sa gabos na dolot.

2 Mga Cronica 8:12

Nagdolot si Solomon nin mga tinutong na atang sa Kagurangnan duman sa altar na ipinagibo niya sa atubangan kan Templo.