2 Mga Cronica 36:23 - Marahay na Bareta Biblia

²³ “Ini an pagboot ni Ciro na emperador nin Persia: An Kagurangnan, an Dios nin langit, iyo an nagtao sako kan gabos na kahadean sa daga asin pinagbotan ako na magtugdok nin sarong templo para saiya duman sa Jerusalem sa Juda. Magduman kamo sa Jerusalem, kamo gabos na saiyang banwaan, asin ibahan logod kamo nin Kagurangnan na saindong Dios.”

2 Mga Cronica 36:23 ပူးပေါင်းရင်းမြစ်များ

1 Mga Cronica 22:16

sa bulawan, plata, bronse, asin lansang. Poonan mo na an trabaho! Ibahan ka logod nin Kagurangnan!”

1 Mga Cronica 29:5

asin sa gabos na gigibohon kan mga paradibuho. Siisay pa an makakatao nin boluntad na dolot ngunyan para sa Kagurangnan?”

2 Mga Cronica 36:22

Kan enot na taon kan si Ciro nin Persia iyo an emperador, ginibo nin Kagurangnan na magkatotoo an itinaram niya sa paagi ni propeta Jeremias. Pinasabongan nin Kagurangnan si Ciro kaya nagpaluwas ini nin sarong pagboot para sa bilog niyang kahadean. Ini an nasusurat sa pagboot:

Esdras 1:1

Kan enot na taon kan si Ciro nin Persia magin emperador, nagkatotoo an itinaram nin Kagurangnan sa paagi ni propeta Jeremias. Pinasabongan nin Kagurangnan si Ciro na magpaluwas nin sarong pagboot; sinurat niya ini asin ipinabasa nin makosog sa bilog niyang imperyo:

Esdras 7:13

“Nagboboot ako na sa bilog kong imperyo an gabos na Israelita, mga padi, saka mga Levita na boot magduman sa Jerusalem, tinutugotan na mag-iba saimo.

Salmo 136:26

Magpasalamat kamo sa Dios nin langit; an saiyang pagkamoot mayo nin kataposan.

Isaias 41:2

“Siisay an nagdara kan parasakop hale sa sirangan, asin nagtataong kapangganahan saiya saen man siya magduman? Siisay an nagtatao saiya nin kapangganahan laban sa mga hade saka sa mga nasyon? Sa wasiwas kan saiyang espada, nagkakawararak sindang garo alpog, asin huli kan saiyang mga bosog, nagkakawararak sindang arog sa dagaming ipinapalid kan doros.

Isaias 44:5

“Saro-sarong masabi an mga tawo, ‘Sadiri ako kan Kagurangnan.’ Madatong sinda nganing mag-apil sa banwaan nin Israel. Mamarkahan kan lambang saro an saiyang takyag kan ngaran nin Kagurangnan dangan aapodon niya an saiyang sadiri na kaayon sa banwaan nin Dios.”

Isaias 45:13

Ako mismo an nag-apod ki Ciro tanganing otobon an sakuyang katuyohan asin pakarahayon an gabos na bagay. Tatanoson ko an lambang dalan na saiyang aagihan. Hihirahayon niya an sakong syudad, an Jerusalem, asin tatalingkasan niya an sakong banwaan bakong huli sa bayad o sa suhol.” An Kagurangnan nin mga hukbo an nagtaram.

Jeremias 27:6

Ako an nagbugtak kan gabos na nasyon na ini sa irarom kan kapangyarihan kan sakong sorogoon na si Hadeng Nebukadnezzar nin Babilonia, asin pinapaglingkod ko saiya maski an mga hayop.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 2:37

Mahal na Hade, ika an pinakadakula sa gabos na hade. An Dios nin langit an naggibo saimong magin emperador, asin tinawan ka niya nin kapangyarihan, kosog saka dangog.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Daniel 5:28

PERES, binanga na an saimong kahadean asin itinao sa mga taga Media saka sa mga taga Persia.”

Daniel 6:28

Nag-uswag si Daniel sa panahon kan paghahade ni Dario asin kan paghahade ni Ciro na taga Persia.

Mikas 4:10

Mamiripit ka sa kulog asin mag-agoro, banwaan nin Jerusalem, arog sa sarong babaeng nangangaki, huli ta kaipuhan bayaan mo an syudad asin mag-erok ka sa kaomahan. Kaipuhan magduman ka sa Babilon, saen ililigtas ka nin Kagurangnan sa saimong mga kaiwal.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?