2 Mga Cronica 36:17 - Marahay na Bareta Biblia

¹⁷ Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

2 Mga Cronica 36:17 ပူးပေါင်းရင်းမြစ်များ

2 Mga Cronica 24:21

Alagad nagkasararo sinda laban ki Zacarias asin sa pagboot kan hade, ginapo siya ninda duman sa patyo kan Templo.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

2 Mga Cronica 34:24

an mensaheng ini nin Kagurangnan: “An Jerusalem asin an mga nag-eerok digdi papadusahan ko kan gabos na sumpa na nasusurat sa libro na binasa sa atubangan kan hade nin Juda.

Esdras 5:12

Alagad huli ta pinaanggot kan samong mga ginikanan an Dios nin langit, itinao niya sinda sa kamot ni Nebukadnezzar na hade nin Babilonia, an Caldeo na iyo an nagrumpag kan Templo asin nagtapok kan banwaan sa Babilonia.

Esdras 9:7

Poon pa kan aldaw kan samong mga ginikanan sagkod ngunyan, kami, na saimong banwaan, nagkasala na nin makuri. Huli kan samong mga kasalan, kami, an samong mga hade, asin mga padi nahulog sa kamot kan mga dayuhan na hade, ginadan, binihag asin sinamsaman. Napasopog kami sagkod ngunyan.

Salmo 74:20

Giromdoma an tipan na ginibo mo samuya; huli ta pano nin kadahasan an lambang kanto kan daga.

Salmo 79:1

O Dios, an saimong daga linaog kan mga pagano; pinagbasang-basang ninda an banal mong Templo; rinumpag ninda an Jerusalem.

Isaias 13:18

Gagadanon kan saindang mga pana saka bosog an mga hoben na lalaki; dai sinda maheherak sa mga omboy asin sa mga aki.

Isaias 43:28

asin binasang-basang kan saimong mga pamayo an sakong santwaryo. Kaya pinabayaan kong mapahamak an Israel; itinugot kong pag-olog-ologon an sadiri kong banwaan.”

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Jeremias 11:22

Kaya nagtaram an Kagurangnan nin mga hukbo, “Papadusahan ko sinda! Magagadan sa gera an mga hoben na lalaki; magagadan sa gutom an saindang mga aki.

Jeremias 16:6

An mayaman saka an dukha magagadan sa dagang ini; dai sinda ilulubong ni tatangisan. Mayo nin siisay man na malugad kan saiyang sadiri ni maaris kan saiyang buhok tanganing ipahiling an saiyang pagmondo para sainda.

Jeremias 18:21

Alagad ngunyan, Kagurangnan, pabayaan mong magadan sa gutom an saindang mga aki; magadan logod sinda sa gera. Pabayaan mong mawaraan nin agom saka mga aki an mga babae; magadan logod sa helang an mga lalaki saka magadan sa gera an mga hoben nindang lalaki.

Jeremias 21:1

Sinugo sako ni Hadeng Zedekias nin Juda si Pasur na aking lalaki ni Malkias asin an padi na si Sofonias na aking lalaki ni Maaseias. Dara ninda an siring na kahagadan:

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 32:28

Itatao ko an syudad na ini ki Hadeng Nebukadnezzar nin Babilonia saka sa saiyang hukbo; sasakopon ninda ini

Jeremias 32:42

“Siring kan pagpadara ko kan dakulang kasakitan na ini sa banwaan na ini, papadarahan ko man sinda kan marahay na mga bagay na ipinanuga ko sainda.

Jeremias 40:3

asin ngunyan inotob niya an sinabi niya. An gabos na ini nangyari huli ta nagkasala an saimong banwaan tumang sa Kagurangnan saka dai ninda siya sinunod.

Jeremias 51:22

sa paggadan kan mga lalaki saka mga babae, sa paggadan kan gurang saka hoben, sa paggadan kan mga aking lalaki saka mga aking babae,

Jeremias 9:21

Huli ta naglaog an kagadanan sa satong mga bintana, asin naglaog man sa satong mga palasyo; ginadan kaini an mga aking nasa tinampo asin an mga hoben na lalaki sa mga plasa.

Ezekiel 16:40

“Madara sinda nin sarong hukbo na magapo saimo, asin pepedasohon ka ninda kan saindang mga espada.

Ezekiel 21:28

“Aki nin tawo, magpropesiya ka asin ipahayag mo an itinataram ko, an Kagurangnan Dios, sa mga Ammonita, na nagtutuyatuya sa Israel. Sabihan mo sinda: Sarong espada an hinugkot tanganing manggadan. Pinakintab iyan tanganing ipanggadan, asin tanganing magsilyab arog sa kikilat.

Daniel 9:14

Andam ka sa pagpadusa samo, O Kagurangnan na samong Dios, asin pinadusahan mo mananggad kami huli ta danay na tama an saimong ginigibo, asin dai kami nagdangog saimo.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Deuteronomio 30:18

sinasabihan ko kamo ngunyan na magagadan kamo. Dai maghahalawig an saindong buhay duman sa ibong kan Jordan, sa daga na saindong lalaogon saka sasadirihon.