2 Mga Cronica 36:13 - Marahay na Bareta Biblia

¹³ Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

2 Mga Cronica 36:13 ပူးပေါင်းရင်းမြစ်များ

2 Samuel 21:2

(Bako man sindang mga Israelita kundi sarong sadit na grupo nin mga Amoreo na pinanugaan kan mga Israelita na aatamanon, alagad boot sindang gadanon ni Saul huli kan saiyang pagmakulog sa banwaan nin Israel asin Juda.)

2 Mga Hade 17:4

Alagad nagpadara si Hosea nin mga sugo ki So, an hade nin Egipto sa paghagad nin tabang, asin dai na siya nagbayad kan buhis ki Salmaneser arog kan ginigibo niya taon-taon. Kan maaraman ini ni Salmaneser, ipinadakop niya si Hosea saka ipinabilanggo.

2 Mga Hade 24:20

An Kagurangnan naanggot sa mga taga Jerusalem saka sa mga taga Juda, kaya isinikwal niya sinda.

2 Mga Cronica 24:19

Nagpadara siya sainda nin mga propeta tanganing patanidan sinda na magbalik saiya, alagad habo sindang maghinanyog.

2 Mga Cronica 30:8

Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

2 Mga Cronica 36:14

An mga lider nin Juda, an mga padi asin an bilog na banwaan dai man nagin maimbod sa Kagurangnan, kundi nagsunod sa makauuyam na mga gawe kan ibang mga nasyon, kaya nadigtaan ninda an Templo na an Kagurangnan mismo an nagpabanal.

Esdras 4:12

“Boot ming maaraman kan saimong kamahalan na an mga Judio na nag-abot digdi hale sa ibang lugar na sakop mo nag-erok na ngunyan sa Jerusalem. Hinihirahay ninda idtong maraot saka rebeldeng syudad. Pinonan na ninda an paghirahay kan kudal asin matatapos na ninda.

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Exodo 7:13

Maski siring, padagos na nagmatagas an hade, asin habong magdangog ki Moises dangan ki Aaron sosog sa itinaram nin Kagurangnan.

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 8:32

Alagad nagmatagas na naman an hade, asin dai tinugotan na humale an mga tawo.

Exodo 9:17

Alagad mapaabaw-abaw ka pa sagkod ngunyan asin habo mo pang tugotan na humale an sakong banwaan.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Jeremias 43:2

nagsabi sako si Azarias na aking lalaki ni Osaias, si Johanan na aking lalaki ni Kareas, asin an gabos na mapalangkaw na lalaki, “Nagpuputik ka. Dai ka sinugo nin Kagurangnan na satong Dios tanganing sabihan kami na dai magduman saka mag-erok sa Egipto.

Daniel 5:20

Alagad huli ta nagin mapalangkaw siya, nagin matagas an payo saka makuri, hinale siya sa saiyang trono asin hinale man an saiyang kamurawayan.

Zacarias 7:12

asin pinatagas an saindang mga puso. Huli ta habo nindang dangogon an katukdoan na ipinadara ko sa paagi kan mga propeta na nabuhay kaidtong panahon. Kaya naanggot ako nin marahay.

Mga Bilang 30:3

Kun an sarong hoben na babae na nag-eerok pa sa harong kan saiyang ama manuga nin ano man sa Kagurangnan o manumpa na malikay sa sarong bagay,

Deuteronomio 29:25

Ini an magigin simbag, ‘Huli ta nagtalikod sinda sa tipan na ginibo ninda sa Kagurangnan na Dios kan saindang mga ginikanan, kan iluwas niya sinda hale sa daga nin Egipto.

Hebreyo 3:13

Mantang an tataramon na “ngunyan na aldaw” sa kasuratan ipinapanongod pa sato, magpatarabang-tabang kamo aroaldaw sa pagpakosog kan saindong boot, tanganing mayo saindong madaya kan kasalan saka magin matagas an payo.

Hebreyo 3:8

dai nindo pagpatagason an saindong mga puso arog kan mga ginikanan nindo na nagtumang sa Dios kaidto, kan baloon ninda siya duman sa kalangtadan.

Josue 9:15

Nakipagtipan si Josue sa mga taga Gibeon asin tinugotan niya sindang mabuhay. Nagsumpa an mga lider kan banwaan nin Israel na ootobon ninda an tipan.