2 Mga Cronica 36:10 - Marahay na Bareta Biblia

¹⁰ Kan magpoon na an tig-init, binihag ni Hadeng Nebukadnezzar si Jehoiakin asin dinara sa Babilonia, kaiba an mga kayamanan sa Templo nin Kagurangnan. Dangan si Zedekias, na tiyo ni Jehoiakin, iyo an ginibo ni Nebukadnezzar na hade nin Juda saka Jerusalem.

2 Mga Cronica 36:10 ပူးပေါင်းရင်းမြစ်များ

2 Samuel 11:1

Pakatapos kan tig-lipot na iyo an panahon na ipinagduduman sa gera kan mga hade. Sa panahon na iyan, pinalakaw ni David si Joab kaiba an saiyang mga opisyal asin an hukbo nin Israel; dinaog ninda an mga Ammonita asin pinalibotan an syudad nin Rabba. Alagad nagpawalat si David sa Jerusalem.

2 Mga Hade 20:17

Maabot an panahon na an gabos na bagay sa saimong palasyo, an gabos na bagay na tinipon kan saimong mga ginikanan sagkod sa aldaw na ini, dadarahon sa Babilonia. Mayo kaiyan nin matatada.

2 Mga Cronica 36:18

Sinamsaman kan hade nin Babilonia an Templo nin Kagurangnan; dinara niya sa Babilon an gabos na kayamanan sa Templo, siring man an kayamanan kan hade asin kan mga opisyal kaini.

2 Mga Cronica 36:7

Dinara man ni Nebukadnezzar an ibang mga kagamitan sa Templo dangan ibinugtak sa saiyang palasyo duman sa Babilon.

Esther 2:6

Saro si Mardokeo sa mga nabihag sa Jerusalem ni Hadeng Nebukadnezzar asin dinara sa Babilon kaiba ni Hadeng Jehoiakin nin Juda.

Isaias 39:7

Dadarahon man duman an nagkapira kan saimong aking lalaki asin gigibohon na eunuko na maglilingkod sa palasyo kan hade nin Babilonia.”

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Jeremias 22:25

Itatao taka sa mga tawong kinakatakotan mo, sa mga tawong boot gumadan saimo. Itatao taka ki Hadeng Nebukadnezzar nin Babilonia asin sa saiyang mga soldados.

Jeremias 24:1

Ipinahiling sako nin Kagurangnan an duwang basket nin higera na nasa atubangan kan Templo. (Ini nangyari pakatapos na mabihag ni Hadeng Nebukadnezzar si Hadeng Jehoiakin nin Juda, na aking lalaki ni Jehoiakim, kaiba an mga lider nin Juda, an mga panday saka mga ekspertong trabahador, hale sa Jerusalem pasiring sa Babilonia.)

Jeremias 27:16

Dangan sinabihan ko an mga padi asin an mga tawo na nagtaram an Kagurangnan nin siring: “Dai kamo maghinanyog sa mga propeta na nagsasabi na an mga kayamanan kan Templo ibabalik hale sa Babilonia. Nagpuputik sinda saindo.

Jeremias 28:3

Sa laog nin duwang taon ibabalik ko sa lugar na ini an gabos na kayamanan kan Templo na dinara ni Hadeng Nebukadnezzar sa Babilonia.

Jeremias 37:1

Si Zedekias na aking lalaki ni Josias iyo an ibinugtak ni Hadeng Nebukadnezzar nin Babilonia na hade sa Juda, bilang kasalihid ni Jehoiakin na aking lalaki ni Jehoiakim.

Ezekiel 1:2

Iyo idto an ikalimang taon kan pagkatapokan ki Hadeng Jehoiakin.)

Ezekiel 17:12

“Hapota an mga rebeldeng iyan kun aram ninda an kahulogan kan parabola. Taraman mo sinda na an hade nin Babilonia nagduman sa Jerusalem, binihag an hade asin an mga opisyal kaini dangan dinara pagbalik niya sa Babilonia.

Ezekiel 17:6

Nagtalubo an tinanom asin nagin sarong hababa saka marambong na balagon nin ubas. An mga sanga nagtalubo paitaas, sa direksyon kan agila, asin an mga gamot uminirarom nin marahay. An balagon napano nin mga sanga saka mga dahon.

Daniel 5:2

Mantang nag-iirinoman sinda, nagboot si Belsazzar na darahon saiya an mga bulawan saka platang kagamitan na sinamsam kan ama niyang si Nebukadnezzar sa Templo sa Jerusalem. Ipinakua kan hade an mga ini tanganing iyo idto an pag-inoman niya, kan mga iginagalang na lalaki sa palasyo, kan saiyang mga agom, asin mga kasaroan.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Habakkuk 1:10

Tinutuyatuya ninda an mga hade asin sinusubahan sana ninda an haralangkaw na opisyal. Pinagngingisihan sana ninda an mga bantayan huli ta tinatambakan ninda iyan nin daga dangan sinasakop iyan.