2 Mga Cronica 35:8 - Marahay na Bareta Biblia

⁸ An saiyang mga opisyal boluntad man na nagtao para sa mga tawo, sa mga padi, saka sa mga Levita. Si Hilkias, an Halangkaw na Padi, si Zacarias saka si Jehiel, an mga opisyal na namamahala kan Templo, nagtao man nin dos mil seis syentos na kordero saka mga ogbon na kanding asin tres syentos na torong baka para sa mga sakripisyo.

2 Mga Cronica 35:8 ပူးပေါင်းရင်းမြစ်များ

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

1 Mga Cronica 9:20

Minsan, nagin pamayo ninda si Finehas na aking lalaki ni Eleazar, na inibahan nin Kagurangnan.

2 Mga Cronica 30:24

Nagtao si Hadeng Ezekias nin sangribong torong baka saka syete mil na karnero tanganing bunoon dangan kakanon kan mga tawo. Nagtao man an mga opisyal nin sangribong torong baka saka dyes mil na karnero. Dakul na padi an nagkonsagra kan saindang sadiri.

2 Mga Cronica 31:13

Sampolong Levita an nasa irarom kan pamamahala ninda. An mga ini iyo si Jehiel, Azazias, Nahat, Asahel, Jerimot, Jozabad, Eliel, Ismakias, Mahat saka si Benaias. An pagpili sainda ginibo ni Ezekias asin ni Azarias, an Halangkaw na Padi.

2 Mga Cronica 34:9

Nagduman sinda ki Hilkias na Halangkaw na Padi saka itinao an kwarta na natipon sa Templo kan mga bantay na Levita. An kwartang ini iyo an nakolekta sa mga banwaan nin Efraim saka Manases asin sa ibang kabtang kan Kahadean sa Amihan, patin sa banwaan nin Juda, Benjamin saka Jerusalem.

2 Mga Cronica 35:7

Para sa kaipuhan kan mga tawo sa Paskwa, nagtao si Hadeng Josias nin treynta mil na karnero, kordero, saka mga ogbon na kanding asin tres mil na torong baka. Ini gabos hale sa pagsadiri niyang mga hayop.

Esdras 1:6

Tinabangan sinda kan mga kataraed ninda huli sa pagtao nin mga platang kagamitan, mga bulawan, mga kagamitan, mga hayop, asin iba pang mahalagang mga bagay, laen pa kan boluntad na atang para sa Templo.

Esdras 7:16

Darahon mo man an gabos na plata saka bulawan na nakokolekta mo sa bilog na probinsya nin Babilon asin an boluntad na mga dolot kan mga tawo saka mga padi para sa Templo nin saindang Dios sa Jerusalem.

Salmo 45:12

Mga taga Tiro madara saimo nin mga regalo; mga tawong mayaman magmamawot na mawilihan mo.

Mga Bilang 7:2

An mga lider nin Israel, na mga pamayo kan saindang mga kamaganakan asin nagtarabang sa pagkua kan senso,

Mga Gibo 4:1

Nagtataram pa sa mga tawo si Pedro asin si Juan, kan mag-abot an nagkapirang padi, an kapitan kan mga bantay sa Templo, saka an mga Saduceo.

Mga Gibo 5:26

Kaya nagduman sa Templo an opisyal saka an mga tawohan niya; dinakop giraray ninda an mga apostol. Alagad dai sinda naggamit nin kosog, huli ta natakot sinda na tibaad gapoon sinda kan mga tawo.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

2 Corinto 9:7

Kaya an lambang saro dapat na magtao sosog sa saiyang pinagmarahay, bakong tumang sa boot o napipiritan sana, huli ta an Dios namomoot sa maogmang paratao.