2 Mga Cronica 35:6 - Marahay na Bareta Biblia

⁶ Bunoon nindo an korderong Pangpaskwa. Magpakabanal kamo asin andamon nindo an mga sakripisyo, tanganing an kapwa nindo mga Israelita magsunod kan mga katukdoan na itinao nin Kagurangnan sa paagi ni Moises.”

2 Mga Cronica 35:6 ပူးပေါင်းရင်းမြစ်များ

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

1 Mga Cronica 15:12

dangan sinabihan, “Kamo an mga namamayo kan mga kamaganakan ni Levi. Magpakabanal kamo asin an kapwa nindo mga Levita, tanganing pwede kamong magdara kan Kaban nin Tipan nin Kagurangnan, an Dios nin Israel, pasiring sa lugar na inandam ko para digdi.

2 Mga Cronica 29:15

Tinipon kan mga lalaking ini an kapwa ninda mga Levita asin naglinig sinda kan saindang sadiri. Dangan sa pagboot kan hade, lininigan ninda an Templo sosog sa Katogonan nin Kagurangnan.

2 Mga Cronica 29:34

Alagad kadikit sana an mga padi asin dai ninda kayang bunoon an gabos na hayop, kaya tinabangan sinda kan mga Levita sagkod na matapos an trabaho, asin sagkod na makapaglinig kan saindang sadiri an ibang mga padi. (Mas maimbod an mga Levita sa paglinig kan saindang sadiri ki sa mga padi.)

2 Mga Cronica 29:5

dangan sinabihan, “Dangoga nindo ako, mga Levita! Magpakabanal kamo asin pakabanalon nindo an Templo nin Kagurangnan, an Dios kan saindong mga ginikanan. Haleon nindo sa banal na lugar na ini an anoman na ati.

2 Mga Cronica 35:1

Nagselebrar si Josias kan Paskwa duman sa Jerusalem sa pag-omaw sa Kagurangnan. Kan ikakatorseng aldaw kan enot na bulan binuno ninda an korderong Pangpaskwa.

2 Mga Cronica 35:11

Pakabuno kan korderong Pangpaskwa, inanitan kan mga Levita an mga hayop mantang an dugo kaini iwinirik kan mga padi sa altar.

2 Mga Cronica 35:7

Para sa kaipuhan kan mga tawo sa Paskwa, nagtao si Hadeng Josias nin treynta mil na karnero, kordero, saka mga ogbon na kanding asin tres mil na torong baka. Ini gabos hale sa pagsadiri niyang mga hayop.

2 Mga Cronica 5:11

An gabos na padi na yaon duman, maski ngani manlaen-laen na grupo nin paglingkod an saindang naaayonan, nagpabanal kan saindang sadiri. Nagtindog sa sirangan na parte kan altar an paratugtog na mga Levita, si Asaf, si Heman, asin si Jedutun, kaiba an saindang mga aki saka kadugo; gabos sinda nakasulot nin pinong lino asin nagtutugtog nin mga gimbal, mga arpa asin lira. Kairiba ninda sa pagtugtog an syento beynteng mga padi na paratugtog nin trompeta. An mga paratrompeta saka mga paratugtog sarabay na nag-omaw asin nagpasalamat sa Kagurangnan, kasabay kan mga trompeta, mga gimbal saka iba pang mga instrumento. Ini an saindang inawit sa makosog na tingog: “Omawon an Kagurangnan, huli ta siya marahayon, asin an saiyang pagkamoot nagdadanay sagkod pa man.” Mantang nagluluwas an mga padi sa banal na lugar, napano nin panganoron an Templo, an harong nin Kagurangnan, kaya an mga padi dai nakatagal sa paglingkod sa laog kan Templo. Napano an Templo kan kamurawayan nin Kagurangnan.

An Libro ni Job 1:5

Pagkaaga, kun tapos na an bangkete, amay na minabangon si Job asin minadolot nin mga sakripisyo para sa lambang aki niya tanganing mapabanal sinda. Danay na ginigibo niya ini ta nagsaboot siya na tibaad nagkasala an saro sainda sa dai tinutuyong pag-olog-olog sa Dios.

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Exodo 12:6

Aatamanon an mga hayop sagkod sa ikakatorseng aldaw kan bulan. Dangan bago magsolnop an aldaw, an mga hayop buburonoon kan bilog na komunidad.

Exodo 19:10

Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Exodo 19:15

Sinabihan sinda ni Moises, “Magin andam kamo sa ikatolong aldaw; mayo ngona nin magdorog.”

Joel 2:16

Tipona an mga tawo; andama sinda sa sarong banal na pagtiripon; tipona an mga gurang, kaakian asin an mga pasosong omboy. Maski an mga bago pa sanang kasalon kaipuhan na magluwas sa saindang kwarto dangan magduman.