2 Mga Cronica 34:6 - Marahay na Bareta Biblia

⁶ Siring man an ginibo niya sa mga syudad asin sa mga nagkararaot na lugar nin Manases, Efraim, Simeon asin sagkod sa Neftali na nasa amihan.

2 Mga Cronica 34:6 ပူးပေါင်းရင်းမြစ်များ

2 Mga Cronica 30:1

Dai nakapagselebrar kan Paskwa an mga tawo sa tamang panahon sa enot na bulan, huli ta kulang an mga padi na nakapaglinig kan sadiri saka kulang an mga tawong nagtiripon sa Jerusalem. Kaya si Hadeng Ezekias, an saiyang mga opisyal asin an banwaan nin Jerusalem nagkaoroyon na selebraron an Paskwa sa ikaduwang bulan. Nagpasugo an hade sa gabos na banwaan nin Israel saka Juda. Nagpadara man siya nin mga surat para sa mga tribu nin Efraim saka Manases tanganing alokon sinda na magduman sa Templo sa Jerusalem sa pagselebrar kan Paskwa sa pag-omaw sa Kagurangnan, an Dios nin Israel.

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

Mga Talinhaga 25:18

Garo espada, pamukpok, saka bosog na matarom an tawong nagsasaksi nin kaputikan laban sa saiyang kapwa.

Isaias 7:25

An gabos na bulod na dating natatanoman, mapapano nin katonokan, kaya mayo nin tawong makakaduman. Iyan magigin sarong lugar na pagsasabsaban kan mga baka saka karnero.”