2 Mga Cronica 34:31 - Marahay na Bareta Biblia

³¹ Nagtindog an hade sa saiyang lugar asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro.

2 Mga Cronica 34:31 ပူးပေါင်းရင်းမြစ်များ

2 Mga Hade 11:14

Nahiling niya duman an bagong hade na nakatindog sa may harigi, sosog sa kaugalean, napapalibotan kan mga opisyal kan hukbo asin kan mga paratrompeta. An gabos na tawo maogmang nagkukurahaw saka nagpapatanog kan mga trompeta. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Hade 11:17

Nakipagtipan si Jehoiada sa Kagurangnan dangan sa hade asin sa banwaan, na sinda gabos iyo an magigin banwaan nin Kagurangnan; nakipagtipan man siya sa hade saka sa banwaan.

2 Mga Hade 11:4

Alagad pag-abot kan ikapitong taon, ipinaapod kan pading si Jehoiada an mga opisyal na namamahala kan mga bantay kan hade. Pinaduman niya an mga opisyal na ini sa Templo saka nakipagtipan sainda; pinasumpa niya sinda duman sa Templo. Pakatapos, ipinahiling niya sainda an aking lalaki kan hade.

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

2 Mga Cronica 15:12

Naggibo sinda nin tipan, saen nanumpa sinda na sasambahon an Kagurangnan, an Dios kan saindang mga ginikanan, sa bilog nindang puso asin kalag.

2 Mga Cronica 15:15

Nag-ogma an bilog na banwaan nin Juda huli ta ginibo ninda an pakipagtipan na ini sa bilog nindang puso. Naogma sinda na magsamba sa Kagurangnan, asin inako niya sinda saka tinawan nin katoninongan sa bilog na lugar.

2 Mga Cronica 23:16

Nakipagtipan si Jehoiada sa hade saka sa mga tawo na sinda gabos iyo an magigin banwaan nin Kagurangnan.

2 Mga Cronica 29:10

Nasa puso ko ngunyan an pakipagtipan sa Kagurangnan, an Dios nin Israel, tanganing dai na siya maanggot satuya.

2 Mga Cronica 30:16

Nagbalik sinda sa dati nindang lugar sa Templo sosog sa Katogonan ni Moises, an sorogoon nin Dios. Iwinirik sa altar kan mga padi an dugo kan mga hayop na itinao sainda kan mga Levita.

2 Mga Cronica 31:21

Nagin mauswag siya huli ta an gabos na ginibo niya para sa Templo o sa pag-otob kan Katogonan, ginibo niya sa bilog niyang puso.

2 Mga Cronica 34:32

Pinasumpa niya an banwaan nin Benjamin asin an gabos na yaon duman sa Jerusalem na mag-otob kan tipan. Kinuyog kan mga taga Jerusalem an gabos na kahagadan kan tipan na ginibo ninda sa Dios kan saindang mga ginikanan.

2 Mga Cronica 6:13

Nagpagibo si Solomon nin sarong bronseng plataporma na ipinabugtak niya sa tahaw kan patyo. Igwa ini nin sukol na dos metros, beynte sentimetros an laba, dos metros, beynte sentimetros an lakbang saka sarong metro, treynta sentimetros an langkaw. Nagsakat siya duman, dangan nagluhod na atubang sa katiriponan nin Israel asin initaas an saiyang mga kamot.)

Esdras 10:3

Ngunyan kaipuhan na manuga kita sa satuyang Dios na papalayason nyato an mga babaeng ini asin an saindang mga aki. Gigibohon mi an pagboot mo asin kan gabos na nag-oomaw sa Dios. Gigibohon mi an hinahagad kan Katogonan nin Dios.

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Nehemias 10:30

Dai kami makikipag-agoman sa mga dayuhan na nag-eerok sa samong daga.

Nehemias 9:38

Huli kan mga nangyaring ini, kami, an banwaan nin Israel, minagibo nin sarong masasarigan na nasusurat na tipan, na pipirmahan kan samong mga lider, kan samong mga Levita, saka samong mga padi.

Salmo 119:106

Ootobon ko an sakong banal na panuga na kukuyogon an saimong matanos na mga katukdoan.

Salmo 31:24

Pagmakosog kamo; pasariga an saindong boot, kamo gabos na naglalaom sa Kagurangnan.

Jeremias 50:5

Mahapot sinda kan dalan pasiring sa Sion saka maduman sinda tanganing makisumaro sako sa sarong tipan na mayo nin kasagkoran saka dai nanggad malilingawan.

Ezekiel 46:2

Hale sa patyong nasa luwas, an prinsipe malaog sa dakulang kwarto sa may trangkahan, dangan matindog sa may harigi kan trangkahan, mantang an mga padi nagdodolot kan mga tinutong na atang saka mga atang para sa katoninongan. Duman siya sa may trangkahan masamba dangan maluwas; alagad an trangkahan dai seserahan sagkod magbanggi.

Deuteronomio 13:4

Magsunod kamo sa Kagurangnan na saindong Dios asin matakot kamo saiya; kuyogon nindo siya asin otobon an saiyang mga pagboot; sambahon nindo siya asin magmaimbod kamo sa saiya.

Deuteronomio 13:5

Alagad gadanon nindo an propeta o an parapaliwanag nin mga pangatorogan na idto, huli ta tinutukdoan niya kamo na magtumang sa Kagurangnan, na nagligtas saindo sa Egipto, saen kamo nagin mga oripon. Maraot an tawong iyan huli ta dinadagka niya kamong magtalikod sa pamumuhay na ipinagboot nin Kagurangnan. Kaipuhan gadanon siya tanganing mahale an karatan na iyan sa tahaw nindo.

Deuteronomio 29:1

Iyo ini an mga tataramon kan tipan na ipinagboot nin Kagurangnan ki Moises na gibohon sa mga Israelita sa daga nin Moab; kadagdagan an mga ini sa tipan na ginibo nin Kagurangnan sainda duman sa Bukid nin Sinai.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.

Josue 24:25

Kaya sa aldaw na idto, nakipagtipan si Josue sa mga tawo, asin duman sa Shekem tinawan niya sinda nin mga togon saka mga pagboot na susunodon.