2 Mga Cronica 34:3 - Marahay na Bareta Biblia

³ Sa ikawalong taon kan paghahade ni Josias, maski hoben pa siya, nagpoon siyang magsamba sa Dios nin saiyang ginikanan na si David. Pakalihis nin apat na taon, pinonan niyang haleon sa Juda saka sa Jerusalem an paganong mga lugar na pagsasambahan kan mga dios-dios asin an mga tanda kan diosang si Asera pati an inukit saka tinunaw na mga imahen.

2 Mga Cronica 34:3 ပူးပေါင်းရင်းမြစ်များ

1 Mga Hade 13:2

Dangan sa pagkuyog kan kabotan nin Kagurangnan, nagkurahaw an propeta laban sa altar: “O altar, iyo ini an itinataram nin Kagurangnan: ‘Sarong aking lalaki, na Josias an magigin ngaran, an mamumundag sa pamilya ni David. Isasakripisyo niya sa ibabaw mo an mga padi na naglilingkod sa paganong mga altar na nagdodolot nin mga sakripisyo sa ibabaw mo; tututongon niya sa ibabaw mo an mga tolang nin tawo.’”

2 Mga Hade 10:27

Kaya rinaot ninda an harigi ni Baal saka an templo. An templo ginibo nindang kasilyasan sagkod ngunyan.

2 Mga Hade 18:4

Ginaba niya an paganong mga lugar na pagsasambahan, rinonot an mga gapong harigi asin pinalod an mga ladawan kan diosang si Asera. Rinonot man niya an bronseng halas na ginibo ni Moises, huli ta sagkod kan panahon na idto nagtututong pa nin insenso an mga Israelita sa pag-omaw sa bronseng halas; ini inapod na Nehustan.

2 Mga Hade 20:5

“Magbalik ka ki Ezekias, na kagsakop kan sakong banwaan asin sabihan mo siya, ‘Ako, an Kagurangnan, an Dios kan saimong ginikanan na si David. Nadangog ko an saimong pamibi asin nahiling an saimong mga luha. Bobolongon taka, dangan sa ikatolong aldaw maduman ka sa Templo.

2 Mga Hade 23:14

Ipinaronot ni Hadeng Josias an mga gapong harigi, ipinapalod an mga tanda kan diosa na si Asera, asin an dating namugtakan kan mga ini pinatambakan niya kan mga tolang nin tawo.

2 Mga Hade 23:4

Dangan pinagbotan kan hade si Hilkias, an halangkaw na padi, an katabang kaining mga padi, asin an mga bantay sa agihan pasiring sa Templo na iluwas sa Templo an mga kagamitan na manongod ki Baal, ki Asera, saka sa mga bitoon. Ipinasulo kan hade an gabos na kagamitan sa luwas kan Jerusalem, sa Kapantayan nin Kidron, asin ipinadara niya sa Betel an mga abo.

1 Mga Cronica 22:5

Nagsaboot si David, “An Templo na ipapatugdok para sa Kagurangnan kaipuhan magayon, bantog asin igagalang sa bilog na kinaban. Alagad hoben pa si Solomon na sakuyang aking lalaki, saka mayo pa nin naaaraman; kaya aandamon ko na an mga kaipuhan para sa Templo.” Kaya bago nagadan si David, inandam na niya an dakul na mga kagamitan para sa Templo.

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

1 Mga Cronica 29:1

Sinabihan ni David an bilog na katiriponan, “Hoben pa saka kulang pa nin pakaaram an sakuyang aki na si Solomon, na pinili nin Dios. Dakula an trabaho, huli ta an papatindogon bakong palasyo para sa tawo kundi sarong Templo para sa Kagurangnan Dios.

2 Mga Cronica 14:6

Pinapusog ni Asa an mga syudad nin Juda. Dakul na taon na dai nagkaigwa nin gera kan panahon niya huli ta itinao saiya nin Kagurangnan an katoninongan.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 30:14

Kinua ninda an mga altar na ginamit sa Jerusalem sa pagdolot nin mga atang asin sa pagtutong nin insenso, dangan tinapok ninda ini gabos sa Kapantayan nin Kidron.

2 Mga Cronica 33:15

Hinale niya sa Templo an dayuhan na mga dios-dios asin an ladawan na ibinugtak niya duman. Hinale man niya an mga altar na ginibo niya sa bukid na namumugtakan kan Templo asin sa iba pang mga lugar sa Jerusalem. Dinara niya idto gabos sa luwas kan syudad dangan itinapok.

2 Mga Cronica 33:17

Maski padagos an mga tawo sa pagdolot nin mga sakripisyo sa ibang lugar na pagsasambahan, ginibo ninda ini para sana sa Kagurangnan, na saindang Dios.

2 Mga Cronica 33:22

Arog kan saiyang ama na si Manases, nagkasala siya sa Kagurangnan. Nagdolot si Amon nin mga sakripisyo sa gabos na imahen na ginibo kan saiyang ama na si Manases, dangan pinaglingkodan an mga imahen.

2 Mga Cronica 34:33

Sa gabos na lugar na sadiri kan banwaan nin Israel, rinaot ni Josias an makauuyam na mga ladawan kan mga dios-dios, dangan sa gabos na aldaw nin saiyang pagkabuhay, pinagbotan niya an mga tawo na maglingkod sa Kagurangnan, an Dios nin saindang mga ginikanan.

Salmo 119:9

Ano an gigibohon nin sarong hoben na lalaki tanganing danay na malinig an saiyang dalan? Sa paagi nin pagkuyog kan saimong mga katogonan.

Salmo 71:5

Ika, Kagurangnan, an sakuyang paglaom; sakong pagsarig poon kan ako aki pa.

Exodo 34:13

Gabaon nindo an saindang mga altar, rumpagon an saindang mga sagradong harigi asin palodon an mga simbolo kan saindang diosang si Asera.

Mga Talinhaga 20:11

Maski an aki namimidbid huli sa saiyang gibo; maaaraman mo sa saiyang gibo kun siya marahay asin onesto.

Mga Talinhaga 8:17

Namomotan ko an namomoot sako; an naghahanap sako nakakanumpong sako.

Parahulit 12:1

Kaya giromdoma nindo an saindong Kaglalang mantang hoben pa kamo, bago umabot an mga maraot na aldaw saka mga taon na masabi kamo, “Dai na ako naoogma sa buhay.”

Levitico 26:30

Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,

Mikas 1:5

Mangyayari an gabos na ini huli ta nagkasala sa Dios an Israel. Siisay an dapat basolon sa pagrebelde nin Israel? Mayong iba kundi an Samaria, an pangenot na syudad! Siisay sa Juda an nagkasala nin pagsamba sa mga dios-dios? Mayong iba kundi an Jerusalem!

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.