2 Mga Cronica 34:21 - Marahay na Bareta Biblia

²¹ “Magduman kamo dangan makihumapot sa Kagurangnan para sako asin para sa natatada sa mga taga Israel saka Juda, manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an mga tataramon nin Kagurangnan, asin dai ginibo an gabos na ipinagboboot kan librong ini.”

2 Mga Cronica 34:21 ပူးပေါင်းရင်းမြစ်များ

2 Mga Hade 22:13

“Magduman kamo dangan hapoton nindo an Kagurangnan para sako para sa banwaan, asin para sa gabos na taga Juda manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an dapat na gibohon siring sa sinasabi kan librong ini.”

2 Mga Cronica 29:8

Kaya an kaanggotan nin Kagurangnan uminabot sa Juda saka sa Jerusalem, asin an ginibo niya sa mga ini nagin sarong bagay na pinagtakotan, nginalasan saka ikinasopog nin lambang saro, siring sa nahiling nindo.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

2 Mga Cronica 34:20

Dangan pinagbotan niya si Hilkias, si Ahikam na aking lalaki ni Safan, si Abdon na aking lalaki ni Micaias, an sekretaryo na si Safan, asin si Asaias na sorogoon kan hade,

2 Mga Cronica 34:22

Si Hilkias asin an mga sinugo kan hade nagduman ki Hulda na sarong babaeng propeta na nag-erok sa bagong kabtang nin Jerusalem. (An agom ni Hulda na si Sallum, na aking lalaki ni Tikva asin makoapo ni Harhas, iyo an namamahala kan mga gubing sa Templo.) Isinaysay ninda ki Hulda an nangyari.

Exodo 18:15

Nagsimbag si Moises, “Kaipuhan na gibohon ko ini huli ta boot maaraman kan mga tawo an kabotan nin Dios.

Jeremias 21:2

“Makiolay ka sa Kagurangnan para samo, huli ta an syudad sinasalakay ni Hadeng Nebukadnezzar nin Babilonia asin kan saiyang hukbo. Tibaad pa gibohon sato kan Kagurangnan an saro kan saiyang mga ngangalasan asin paatrason niya si Nebukadnezzar.”

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Ezekiel 18:14

“Halimbawa an tawong ini igwa nin aking lalaki, na nakahiling kan mga kasalan na ginibo kan saiyang ama, alagad dai niya inaarog.

Ezekiel 36:18

Kaya inula ko sa sainda an labi-labi kong kaanggotan huli kan dakul na dugo na pinabulos ninda sa daga, asin huli kan mga dios-dios na nagin dahelan kan pagdigta ninda sa daga.

Roma 1:18

Hale sa langit nahahayag an kaanggotan nin Dios sa mga tawong naggigibo nin karatan asin katampalasan, huli ta an katotoohan tinatahoban kan maraot nindang mga gibo.

Roma 4:15

An Katogonan nagdadara kan padusa; alagad kun mayo nin katogonan, mayo man nin paglapas kaiyan.

Deuteronomio 28:15

“Alagad kun magsombikal kamo sa Kagurangnan na saindong Dios, asin dai kamo magmaimbod sa pagkuyog kan gabos niyang togon saka pagboot na itinatao ko saindo ngunyan na aldaw, maabot saindo an mga maldisyon na ini:

1 Samuel 9:9

“Marahay na kaisipan,” an simbag ni Saul. “Magduman na kita.” Kaya nagduman sinda sa banwa na pinag-erokan kan banal na lalaki. Mantang nagtutukad sinda sa bulod palaog sa banwa, nasabat ninda an nagkapirang babae na nagruluwas tanganing magharok nin tubig. Hinapot ninda an mga babae, “Yaon daw an parahula?” (Sa Israel kaidto, an sarong propeta inapod na parahula, kaya kun an sarong tawo boot maghapot sa Dios, minasabi siya, “Magduman kita sa parahula.”)