2 Mga Cronica 34:14 - Marahay na Bareta Biblia

¹⁴ Mantang dinadara an kwarta paluwas sa kwartong sarayan, nakua ni Hilkias an libro kan Katogonan nin Kagurangnan na itinao nin Dios ki Moises.

2 Mga Cronica 34:14 ပူးပေါင်းရင်းမြစ်များ

2 Mga Hade 18:18

Kan ipaapod ninda an hade, nagluwas sa pagsabat sainda si Eliakim na aking lalaki ni Hilkias, na namamahala kan palasyo, si Sebna na sekretaryo kan hade, asin si Joa na aking lalaki ni Asaf, na kansilyer.

2 Mga Cronica 12:1

Kan mapatindog asin mapapusog na ni Rehoboam an saiyang kapangyarihan bilang hade, tinalikodan niya asin kan bilog na Israel an katogonan nin Kagurangnan.

2 Mga Cronica 31:4

Pinagbotan man kan hade an mga nag-eerok sa Jerusalem na magdara kan mga dolot na kahirasan kan mga padi saka mga Levita, tanganing idusay ninda an bilog nindang panahon sa pag-otob kan kahagadan kan Katogonan nin Kagurangnan.

2 Mga Cronica 34:15

Sinabihan ni Hilkias an sekretaryo na si Safan, “Nakua ko sa Templo an libro kan Katogonan.” Itinao niya an libro ki Safan,

2 Mga Cronica 34:9

Nagduman sinda ki Hilkias na Halangkaw na Padi saka itinao an kwarta na natipon sa Templo kan mga bantay na Levita. An kwartang ini iyo an nakolekta sa mga banwaan nin Efraim saka Manases asin sa ibang kabtang kan Kahadean sa Amihan, patin sa banwaan nin Juda, Benjamin saka Jerusalem.

2 Mga Cronica 35:26

An iba pang ginibo ni Josias—an saiyang mga marahay na gibo sosog sa nasusurat sa Katogonan nin Kagurangnan,

Esdras 7:10

Idinusay ni Esdras an saiyang buhay sa pag-adal kan Katogonan nin Kagurangnan, sa pag-otob kaiyan, asin sa pagtukdo sa mga Israelita kan gabos na ipinagboboot kan Katogonan.

Salmo 1:2

Alagad an saiyang kaogmahan nasa Katogonan nin Kagurangnan; ini aldaw-banggi niyang pinag-aadalan.

Isaias 30:9

Matumang sinda sa Dios, danay na nagpuputik, danay na nagtatalikod sa katukdoan nin Kagurangnan.

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Jeremias 8:8

Paano nindo nasasabi na madonong kamo saka naaaraman nindo an mga katogonan ko? Alagad an mga togon binago kan mga madayang eskriba.

Levitico 10:11

Kaipuhan tukdoan mo an gabos na tawo nin Israel kan mga ipinagboboot ko saimo sa paagi ni Moises.”

Levitico 26:46

Iyo ini an mga togon asin mga pagboot na itinao nin Kagurangnan ki Moises duman sa Bukid nin Sinai para sa banwaan nin Israel.

Levitico 8:36

Kaya ginibo ni Aaron saka kan saiyang mga aki an gabos na ipinagboot nin Kagurangnan ki Moises.

Lukas 2:39

Kan magibo na ni Jose asin ni Maria an gabos na ipinagboboot kan Katogonan nin Kagurangnan, nagbalik sinda sa Galilea, sa Nazaret na sadiri nindang banwaan.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.