2 Mga Cronica 34:1 - Marahay na Bareta Biblia

¹ Walong taon an edad ni Josias kan siya magin hade nin Juda, asin treynta y unong taon siyang naghade sa Jerusalem.

2 Mga Cronica 34:1 ပူးပေါင်းရင်းမြစ်များ

1 Mga Hade 13:2

Dangan sa pagkuyog kan kabotan nin Kagurangnan, nagkurahaw an propeta laban sa altar: “O altar, iyo ini an itinataram nin Kagurangnan: ‘Sarong aking lalaki, na Josias an magigin ngaran, an mamumundag sa pamilya ni David. Isasakripisyo niya sa ibabaw mo an mga padi na naglilingkod sa paganong mga altar na nagdodolot nin mga sakripisyo sa ibabaw mo; tututongon niya sa ibabaw mo an mga tolang nin tawo.’”

2 Mga Hade 23:1

Dangan tinipon ni Hadeng Josias an gabos na kamagurangan nin Juda saka nin Jerusalem.

2 Mga Cronica 24:1

Pitong taon an edad ni Joas kan siya magin hade asin kwarentang taon siyang naghade sa Jerusalem. An saiyang ina iyo si Zibia na taga Beer-sheba.

2 Mga Cronica 26:1

An aking lalaki ni Amazias na si Uzzias, na an edad dyes y seis na taon, iyo an pinili kan bilog na banwaan nin Juda na magin kasalihid kan saiyang ama bilang hade.

2 Mga Cronica 33:1

Doseng taon an edad ni Manases kan siya magin hade nin Juda, asin singkwenta y singkong taon siyang naghade sa Jerusalem.

2 Mga Cronica 33:25

Alagad ginadan kan mga tawo an mga nagpasaluib ki Amon, asin si Josias na saiyang aking lalaki iyo an ginibo nindang hade bilang kasalihid niya.

Parahulit 4:13

Mas marahay an sarong hoben na dukha alagad madonong ki sa sarong gurang nang hade alagad mangmang asin habo nang magpahatol,

Jeremias 1:2

Kinaolay siya nin Kagurangnan kan ikatreseng taon nin paghahade sa Juda ni Josias, na aking lalaki ni Ammon.

Jeremias 25:3

“Sa laog nin beynte y tres na taon, magpoon kan ikatreseng taon kan paghahade sa Juda ni Josias na aking lalaki ni Amon sagkod sa aldaw na ini, nagtaram sako an Kagurangnan, asin dai ako nagpabaya sa pagsabi saindo kan itinaram niya. Alagad dai kamo naghinanyog.

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Sofonias 1:1

Iyo ini an mensahe na itinao nin Kagurangnan ki Sofonias kan panahon na si Josias na aking lalaki ni Amon iyo an hade nin Juda. (Si Sofonias aking lalaki ni Cusi na aking lalaki ni Gedalias; si Gedalias aking lalaki ni Amarias na aking lalaki ni Hadeng Ezekias.)

Mateo 25:16

An sorogoon na nag-ako nin limang ribong pesos nagnegosyo; nakaganansya pa siya nin limang ribong pesos.

1 Samuel 2:18

Padagos man na naglilingkod kaidto si Samuel sa Kagurangnan, sulot an sarong linong efod.

1 Samuel 2:26

Padagos na nagdakula si Samuel na nawiwilihan nin Kagurangnan asin kan mga tawo.