2 Mga Cronica 33:3 - Marahay na Bareta Biblia

³ Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga ladawan kan diosang si Asera; nagsamba saka naglingkod siya sa mga bitoon.

2 Mga Cronica 33:3 ပူးပေါင်းရင်းမြစ်များ

1 Mga Hade 14:23

Nagtugdok sinda nin mga altar para sa saindang mga dios-dios, asin nagpatindog nin mga harigi saka mga simbolo ni Asera sa ibabaw kan mga bulod saka sa limpoy nin mga kahoy.

2 Mga Hade 18:4

Ginaba niya an paganong mga lugar na pagsasambahan, rinonot an mga gapong harigi asin pinalod an mga ladawan kan diosang si Asera. Rinonot man niya an bronseng halas na ginibo ni Moises, huli ta sagkod kan panahon na idto nagtututong pa nin insenso an mga Israelita sa pag-omaw sa bronseng halas; ini inapod na Nehustan.

2 Mga Hade 21:3

Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga imahen kan diosang si Asera, arog kan ginibo ni Ahab na hade nin Israel. Nagsamba saka naglingkod siya sa mga bitoon.

2 Mga Hade 23:11

Hinale niya an mga kabayo na itinalaga kan mga hade nin Juda manongod sa pagsamba kan aldaw, dangan tinutong niya an mga karwahe na ginamit sa pagsambang ini. (An mga karwaheng ini sinaray sa patyo kan Templo, harani sa trangkahan asin sa erokan ni Natan-melec, na sarong halangkaw na opisyal.)

2 Mga Hade 23:4

Dangan pinagbotan kan hade si Hilkias, an halangkaw na padi, an katabang kaining mga padi, asin an mga bantay sa agihan pasiring sa Templo na iluwas sa Templo an mga kagamitan na manongod ki Baal, ki Asera, saka sa mga bitoon. Ipinasulo kan hade an gabos na kagamitan sa luwas kan Jerusalem, sa Kapantayan nin Kidron, asin ipinadara niya sa Betel an mga abo.

2 Mga Cronica 28:24

Laen pa kaini, kinua niya an mga kagamitan sa Templo dangan saiyang pinarasa. Sinerahan niya an Templo asin nagtugdok siya nin mga altar sa lambang kanto nin Jerusalem.

2 Mga Cronica 30:14

Kinua ninda an mga altar na ginamit sa Jerusalem sa pagdolot nin mga atang asin sa pagtutong nin insenso, dangan tinapok ninda ini gabos sa Kapantayan nin Kidron.

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

2 Mga Cronica 32:12

Siya an nagrumpag kan mga altar saka mga lugar na pagsasambahan sa Kagurangnan, dangan nagboot sa banwaan nin Juda asin Jerusalem na sa saro sanang altar dapat magsamba asin magtutong nin insenso.

2 Mga Cronica 33:15

Hinale niya sa Templo an dayuhan na mga dios-dios asin an ladawan na ibinugtak niya duman. Hinale man niya an mga altar na ginibo niya sa bukid na namumugtakan kan Templo asin sa iba pang mga lugar sa Jerusalem. Dinara niya idto gabos sa luwas kan syudad dangan itinapok.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 34:25

Tinalikodan ninda ako asin nagtutong sinda nin insenso para sa mga dios-dios tanganing paanggoton ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

Exodo 34:13

Gabaon nindo an saindang mga altar, rumpagon an saindang mga sagradong harigi asin palodon an mga simbolo kan saindang diosang si Asera.

Parahulit 2:19

asin siisay an makakasabi kun siya magigin madonong o lolong? Alagad masasadirihan niya an gabos kong pinagpagalan asin ginamitan nin kadonongan sa kinaban. Ini mayo man nin halaga.

Parahulit 9:18

Mas marahay an kadonongan ki sa mga armas nin gera, alagad an sarong parakasala nagraraot nin dakul na karahayan.

Jeremias 17:2

Ginigiromdom kan saindong mga aki an mga altar asin an mga tanda na pinatindog para sa diosang si Asera, sa kataed nin lambang berdeng kahoy, asin sa ibabaw nin haralangkaw na bulod,

Jeremias 19:13

Magigin maati arog kan Tofet an mga harong sa Jerusalem, an mga harong kan mga hade sa Juda asin an gabos na harong, huli ta an bubong kan mga ini ginagamit ninda sa pagtutong nin insenso para sa mga bitoon asin sa pag-ula nin arak bilang dolot na inomon sa ibang mga dios.”

Jeremias 7:30

“Guminibo nin karatan an mga taga Juda. An mga ladawan na kinakaongisan ko ibinugtak ninda sa sakong Templo asin dinigtaan ninda ini.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Sofonias 1:5

Gagadanon ko an siisay man na nagsasakat sa atop dangan nagsasamba sa aldaw, sa bulan, saka sa mga bitoon. Pupuhoon ko man an mga nagsasamba sako asin nanunuga na magigin maimbod sako, alagad nanunumpa sa ngaran kan dios-dios na si Molec.

Mga Gibo 7:42

Huli kaini pinabayaan sinda nin Dios na magsamba sa mga bitoon siring sa nasusurat sa libro kan mga propeta, ‘Banwaan nin Israel, bako ako an dinolotan nindo kan mga binunong hayop duman sa kalangtadan sa laog nin kwarentang taon.

Deuteronomio 16:21

“Kun maggibo kamo nin altar para sa Kagurangnan na saindong Dios, dai kamo magpatindog nin kahoy na tanda kan diosang si Asera sa kataed kaiyan.

Deuteronomio 17:3

sa pagsamba asin paglingkod sa ibang mga dios o sa pagsamba sa aldaw, sa bulan o sa mga bitoon, na tumang sa pagboot nin Kagurangnan.

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.