2 Mga Cronica 33:20 - Marahay na Bareta Biblia

²⁰ Nagadan si Manases asin ilinubong sa saiyang palasyo. Si Amon na saiyang aking lalaki iyo an nagsalihid saiya bilang hade.

2 Mga Cronica 33:20 ပူးပေါင်းရင်းမြစ်များ

1 Mga Cronica 3:14

aki ni Manases si Amon, na ama ni Josias.

2 Mga Cronica 21:20

Treynta y dos an edad ni Jehoram kan siya magin hade, asin walong taon siyang naghade sa Jerusalem. Mayo lamang nin nagmondo kan siya nagadan. Ilinubong siya ninda sa Syudad ni David, alagad bako sa lulubngan kan mga hade.

2 Mga Cronica 32:33

Nagadan si Ezekias asin ilinubong sa itaas na kabtang kan mga lulubngan kan mga aking lalaki ni David. Sa saiyang pagkagadan, tinawan siya nin dakulang kaomawan kan mga taga Juda asin kan mga taga Jerusalem. Si Manases na saiyang aking lalaki iyo an nagsalihid saiya bilang hade.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 33:21

Beynte y dos na taon an edad ni Amon kan siya magin hade nin Juda, asin duwang taon siyang naghade sa Jerusalem.

Sofonias 1:1

Iyo ini an mensahe na itinao nin Kagurangnan ki Sofonias kan panahon na si Josias na aking lalaki ni Amon iyo an hade nin Juda. (Si Sofonias aking lalaki ni Cusi na aking lalaki ni Gedalias; si Gedalias aking lalaki ni Amarias na aking lalaki ni Hadeng Ezekias.)

Mateo 1:10

si Ezekias ama ni Manases, si Manases ama ni Amon, si Amon ama ni Josias;

1 Samuel 25:1

Nagadan si Samuel asin nagtiripon an bilog na Israel; ipinagmondo ninda an saiyang pagkagadan. Dangan ilinubong siya sa saiyang harong sa Rama. Pakatapos kaini, nagpasiring si David sa kalangtadan nin Paran.