2 Mga Cronica 33:19 - Marahay na Bareta Biblia

¹⁹ Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 33:19 ပူးပေါင်းရင်းမြစ်များ

2 Mga Cronica 30:11

Kadikit sana sa mga tribu ni Asher, ni Manases saka ni Zabulon an nagpakumbaba dangan nagduman sa Jerusalem.

2 Mga Cronica 33:20

Nagadan si Manases asin ilinubong sa saiyang palasyo. Si Amon na saiyang aking lalaki iyo an nagsalihid saiya bilang hade.

2 Mga Cronica 33:23

Alagad bako siyang arog kan saiyang ama na nagpakumbaba saka nagbalik sa Kagurangnan; dai siya nagpakumbaba kundi orog na nagkasala.

2 Mga Cronica 36:12

Ginibo niya an maraot sa atubangan kan Kagurangnan. Dai siya nagpakumbaba sa propetang si Jeremias na nagtaram sa ngaran nin Kagurangnan.

Salmo 119:67

Ako nalagalag bago nagtios, alagad ngunyan inootob ko na an saimong tataramon.

Salmo 119:71

Marahay para sako na ako nagtios, huli ta nakanood ako kan saimong mga kabotan.

Salmo 119:75

Aram kong matanos an saimong mga hatol, Kagurangnan, asin sa kaimbodan ako saimong pinadusahan.

Exodo 34:13

Gabaon nindo an saindang mga altar, rumpagon an saindang mga sagradong harigi asin palodon an mga simbolo kan saindang diosang si Asera.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Jeremias 13:18

Tinaraman ako nin Kagurangnan, “Sabihan mo an hade asin an saiyang ina na bumaba sa saindang trono, huli ta nahale na sa saindang payo an magagayon nindang korona.

Jeremias 44:10

Alagad sagkod ngunyan dai kamo nagpapakumbaba. Dai kamo nag-omaw sako ni namuhay sosog sa gabos na katogonan na itinao ko saindo asin sagkod sa saindong mga ginikanan.

Mga Panambitan 3:56

Nadangog mo kan ako makimaherak na hinanyogon mo an sakong inagrangay.

Daniel 5:22

“Alagad ika, Belsazzar, na saiyang aki, dai nagpakumbaba maski aram mo an gabos na ini,

Mga Gibo 9:11

Sinabihan siya nin Kagurangnan, “Magduman ka sa kalyeng inaapod Tanos; hanapon mo sa harong ni Judas an sarong lalaking taga Tarso na an ngaran Saulo. Namimibi siya

Roma 5:16

Bako man magkapareho an regalo nin Dios saka an bunga kan kasalan ni Adan. Padusa an nagin bunga kan paglapas ni Adan, alagad maski kadakul na kasalan an ginibo kan mga tawo, kapatawadan an nagin bunga kan regalo nin Dios.

1 Juan 1:9

Alagad kun ikumpisal ta sa Dios an satong mga kasalan, lilinigan niya kita saka papatawadon; lilinigan kita kan gabos tang kasalan, huli ta maimbod siya asin matanos.