2 Mga Cronica 33:18 - Marahay na Bareta Biblia

¹⁸ An iba pang ginibo ni Manases, an saiyang pamibi sa saiyang Dios, asin an mga mensahe saiya kan mga propeta na nagtaram sa ngaran nin Kagurangnan, an Dios nin Israel, gabos nasusurat sa An Kasaysayan kan mga Hade nin Israel.

2 Mga Cronica 33:18 ပူးပေါင်းရင်းမြစ်များ

1 Mga Hade 11:41

An iba pang gibo ni Solomon, an saiyang paghade asin an saiyang kadonongan, gabos nakasurat sa librong “An Kasaysayan ni Solomon.”

1 Mga Hade 14:19

An iba pang mga gibo ni Jeroboam, an saiyang pakigera asin an saiyang paghahade gabos nasusurat sa An Kasaysayan kan mga Hade nin Israel.

1 Mga Hade 15:31

An iba pang ginibo ni Nadab nasusurat sa An Kasaysayan kan mga Hade nin Israel.

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

2 Mga Cronica 20:34

An iba pang ginibo ni Jehosafat, poon sa kapinonan sagkod sa kataposan, gabos nasusurat sa An Kasaysayan ni Jehu na Aking Lalaki ni Hanani, na kabtang kan An Kasaysayan kan mga Hade nin Israel.

2 Mga Cronica 21:2

Si Jehoram na aking lalaki ni Hadeng Jehosafat nin Juda igwa nin anom na tugang na lalaki. An mga ini iyo si Azarias, Jehiel, Zacarias, Azariahu, Miguel, asin Sefatias.

2 Mga Cronica 32:32

An iba pang ginibo ni Ezekias asin an saiyang marahay na mga gawe gabos nasusurat sa An Bisyon kan Propetang si Isaias, na aking lalaki ni Amoz asin sa An Kasaysayan kan mga Hade nin Juda asin Israel.

2 Mga Cronica 33:10

Maski pinatanidan nin Kagurangnan si Manases asin an saiyang banwaan, alagad dai sinda nagdangog.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Amos 7:12

Pakatapos, sinabihan ni Amazias si Amos, “Omontok ka na, propeta! Magbalik ka sa Juda asin duman ka magpabayad sa saimong paghuhulit.

Mikas 3:7

An mga naghuhula kan maabot na panahon mawawaraan nin onra huli ta dai mangyayari an saindang hula. Gabos sinda magkakasoropog huli ta dai sinda sisimbagon nin Dios.

1 Samuel 9:9

“Marahay na kaisipan,” an simbag ni Saul. “Magduman na kita.” Kaya nagduman sinda sa banwa na pinag-erokan kan banal na lalaki. Mantang nagtutukad sinda sa bulod palaog sa banwa, nasabat ninda an nagkapirang babae na nagruluwas tanganing magharok nin tubig. Hinapot ninda an mga babae, “Yaon daw an parahula?” (Sa Israel kaidto, an sarong propeta inapod na parahula, kaya kun an sarong tawo boot maghapot sa Dios, minasabi siya, “Magduman kita sa parahula.”)