2 Mga Cronica 33:13 - Marahay na Bareta Biblia

¹³ Dinangog nin Dios an saiyang pamibi asin tinugotan siyang makabalik sa Jerusalem, sa saiyang kahadean. Dangan naaraman ni Manases na an Kagurangnan iyo an Dios.

2 Mga Cronica 33:13 ပူးပေါင်းရင်းမြစ်များ

Genesis 25:21

Huli ta dai nag-aaki si Rebecca, namibi si Isaac sa Kagurangnan. Sinimbag nin Kagurangnan an pamibi ni Isaac asin nagbados si Rebecca.

1 Mga Hade 18:39

Kan mahiling ini kan mga tawo, nagdarapa sinda saka nagsarabi, “An Kagurangnan iyo an Dios; an Kagurangnan sana an Dios!”

1 Mga Hade 8:50

Patawada sinda kan gabos nindang kasalan asin kasombikalan; ibugtak mo an pagkaherak sa puso kan mga nagbihag sainda tanganing maherakan sinda.

2 Mga Hade 13:4

Dangan namibi si Jehoahaz sa Kagurangnan, asin dinangog nin Kagurangnan an saiyang pamibi huli ta nahiling niya kun paano pinasakitan kan hade nin Siria an Israel.

1 Mga Cronica 5:20

Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

2 Mga Cronica 12:7

Kan mahiling nin Kagurangnan na nagpakumbaba sinda, nagsabi siya ki Semaias, “Nagpakumbaba na sinda; dai ko na sinda gagadanon. Masalakay si Sisak alagad makakaligtas sinda, asin an Jerusalem dai makakamate kan tunay na gabat kan sakong kaanggotan.

2 Mga Cronica 33:18

An iba pang ginibo ni Manases, an saiyang pamibi sa saiyang Dios, asin an mga mensahe saiya kan mga propeta na nagtaram sa ngaran nin Kagurangnan, an Dios nin Israel, gabos nasusurat sa An Kasaysayan kan mga Hade nin Israel.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 34:27

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi. Ginisi mo an saimong gubing saka naghibi sa atubangan ko. Nadangog ko an saimong pamibi,

Esdras 7:27

Nagsabi si Esdras, “Pagomawon an Kagurangnan, an Dios nin samuyang mga ginikanan, na naghiro kan puso kan emperador tanganing pagayonon an Templo nin Kagurangnan sa Jerusalem,

Esdras 8:23

Kaya nag-ayuno kami saka nagpamibi sa samuyang Dios tanganing iligtas kami, asin dinangog niya an samong pamibi.

An Libro ni Job 22:22

Akoa an itinatao niyang katukdoan; rimposa sa saimong puso an saiyang mga tataramon.

An Libro ni Job 22:23

Kaipuhan na magbalik ka sa Dios sa kapakumbabaan asin ontokon mo an gabos na karatan na ginigibo sa saimong harong.

An Libro ni Job 22:27

Kun ika mamibi, masimbag siya saimo, dangan ootobon mo an mga panugang saimong ginibo.

An Libro ni Job 36:11

Kun magkuyog sinda asin maglingkod saiya, sa kauswagan matatapos an saindang mga aldaw, asin an saindang mga taon sa karahayan.

An Libro ni Job 36:9

ipinapahayag niya sainda an saindang mga kasalan saka kapaabaw-abawan.

Salmo 107:13

Dangan sa saindang kasakitan, nag-apod sinda sa Kagurangnan, asin ilinigtas niya sinda sa saindang kahorasaan.

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Mga Talinhaga 16:7

Kun an pamumuhay nin sarong tawo nawiwilihan nin Kagurangnan, pinapangyari niya na magin mga katood kan tawong iyan maski an saiyang mga kaiwal.

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Jeremias 24:7

Itatao ko sainda an pusong mag-aako na ako iyo an Kagurangnan. Dangan magigin banwaan ko sinda, asin ako an magigin Dios ninda, huli ta mabalik sinda sako sa bilog nindang puso.

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Mga Panambitan 3:56

Nadangog mo kan ako makimaherak na hinanyogon mo an sakong inagrangay.

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 4:36

“Kan magbalik an sakong kaisipan, ibinalik man sako an sakong onra, kamahalan asin an kamurawayan kan sakong kahadean. Inako giraray ako kan sakong mga opisyal saka mga prinsipe, asin ibinalik ninda sako an kahadean, na may onrang orog pa ki sa dati.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Juan 4:10

Nagsimbag si Jesus, “Kun aram mo sana an balaog nin Dios asin kun siisay an naghahagad saimo nin inomon, ika kutana an mahagad saiya. Tatawan ka kutana niya kan tubig na nagtatao nin buhay.”

Deuteronomio 29:6

Mayo kamong tinapay na makakakan asin arak na maiinom, alagad tinawan kamo kaiyan nin Kagurangnan tanganing maaraman nindo na siya an saindong Dios.

Hebreyo 8:11

Dai nin siisay man sainda na magtutukdo sa saindang kapwa, o kaipuhan magtaram pa sa saiyang tugang, ‘Midbidon mo an Kagurangnan.’ Huli ta sinda gabos makakamidbid sako, magpoon sa pinakasadit sainda sagkod sa pinakadakula.