2 Mga Cronica 33:12 - Marahay na Bareta Biblia

¹² Sa saiyang pagtios, nagin mapakumbaba siya sa Dios nin saiyang mga ginikanan asin naghagad nin tabang.

2 Mga Cronica 33:12 ပူးပေါင်းရင်းမြစ်များ

2 Mga Cronica 12:7

Kan mahiling nin Kagurangnan na nagpakumbaba sinda, nagsabi siya ki Semaias, “Nagpakumbaba na sinda; dai ko na sinda gagadanon. Masalakay si Sisak alagad makakaligtas sinda, asin an Jerusalem dai makakamate kan tunay na gabat kan sakong kaanggotan.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 15:4

Alagad kan mag-apod sinda sa panahon nin kasakitan, asin hinanap an Kagurangnan, an Dios nin Israel, nakua siya ninda.

2 Mga Cronica 28:22

Kan nagin grabe an kasakitan ni Hadeng Ahaz, orog man logod siyang nagkasala sa Kagurangnan.

2 Mga Cronica 28:5

Huli ta nagkasala si Hadeng Ahaz, ipinadaog siya nin Kagurangnan na saiyang Dios sa hade nin Siria na nakabihag nin dakul na taga Juda, na saiyang dinara sa Damasco. Ipinadaog pa siya nin Kagurangnan sa hade nin Israel na si Peka, na aking lalaki ni Remalias na nakagadan nin syento beynte mil kan pinakamaisog na mga soldados nin Juda sa sarong aldaw sana. Nangyari an mga ini huli ta an banwaan nin Juda nagtalikod sa Kagurangnan na Dios kan saindang mga ginikanan.

2 Mga Cronica 32:26

Sa kahuri-hurihi, nagpakumbaba si Ezekias asin an banwaan nin Jerusalem, kaya dai pinadusahan nin Kagurangnan an mga tawo mantang buhay pa si Ezekias.

2 Mga Cronica 33:23

Alagad bako siyang arog kan saiyang ama na nagpakumbaba saka nagbalik sa Kagurangnan; dai siya nagpakumbaba kundi orog na nagkasala.

2 Mga Cronica 34:27

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi. Ginisi mo an saimong gubing saka naghibi sa atubangan ko. Nadangog ko an saimong pamibi,

Salmo 118:5

Sa sakong kahorasaan nag-apod ako sa Kagurangnan; sinimbag niya ako asin pinatalingkas.

Salmo 120:1

Kan ako nasa kahorasaan, nag-apod ako sa Kagurangnan tanganing simbagon niya ako:

Salmo 130:1

Hale sa kairaroman minaagrangay ako saimo, Kagurangnan!

Salmo 130:2

Kagurangnan, dangoga an sakong tingog! Hinanyoga an sakong mga pakimaherak!

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Jeremias 13:18

Tinaraman ako nin Kagurangnan, “Sabihan mo an hade asin an saiyang ina na bumaba sa saindang trono, huli ta nahale na sa saindang payo an magagayon nindang korona.

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Daniel 4:36

“Kan magbalik an sakong kaisipan, ibinalik man sako an sakong onra, kamahalan asin an kamurawayan kan sakong kahadean. Inako giraray ako kan sakong mga opisyal saka mga prinsipe, asin ibinalik ninda sako an kahadean, na may onrang orog pa ki sa dati.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Jonas 2:2

“Sa sakong kasakitan, nag-apod ako saimo, O Kagurangnan, asin sinimbag mo ako. Sa kairaroman kan kinaban kan mga gadan nagkurahaw ako sa paghagad nin tabang, asin dinangog mo ako.

Mikas 6:9

Marahay an magkaigwa nin takot sa Kagurangnan. Nag-aapod siya sa syudad, “Pagdangog kamo na mga tawong nagtitiripon sa syudad!

Mga Gibo 9:11

Sinabihan siya nin Kagurangnan, “Magduman ka sa kalyeng inaapod Tanos; hanapon mo sa harong ni Judas an sarong lalaking taga Tarso na an ngaran Saulo. Namimibi siya

Santiago 4:10

Magpakumbaba kamo sa atubang nin Kagurangnan, ta ilalangkaw niya kamo.