2 Mga Cronica 33:11 - Marahay na Bareta Biblia

¹¹ Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

2 Mga Cronica 33:11 ပူးပေါင်းရင်းမြစ်များ

2 Mga Hade 20:18

Dadarahon man duman “An nagkapira sa saimong aking lalaki asin gigibohon na mga eunuko na maglilingkod sa palasyo kan hade nin Babilonia.”

2 Mga Hade 21:17

An iba pang ginibo ni Manases, sagkod an mga kasalan na ginibo niya, gabos nasusurat sa An Kasaysayan kan mga Hade nin Juda.

2 Mga Hade 23:33

Natapos an saiyang paghahade kan mabihag siya ni Neco na hade nin Egipto. Ibinilanggo ni Neco si Joahaz sa Ribla, sa daga nin Hamat, dangan pinapagbuhis an Juda nin tres mil kwatro syentos kilos na plata asin treynta y kwatro kilos na bulawan.

2 Mga Hade 25:6

Binihag ninda si Zedekias dangan dinara ki Hadeng Nebukadnezzar, na yaon kaidto sa Ribla, asin duman itinao saiya ni Nebukadnezzar an maninigong padusa.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 21:16

Pinasabongan nin Kagurangnan na maanggot ki Jehoram an mga Filisteo saka mga Arab na nag-eerok sa lugar na harani sa mga taga Etiopia.

2 Mga Cronica 36:6

Sinalakay ni Hadeng Nebukadnezzar nin Babilonia an Juda, binihag si Jehoiakim, dangan nakakadenang dinara sa Babilonia.

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Nehemias 9:37

Huli sa samong mga kasalan, napaduman sa mga hade na ibinugtak mong mamayo samo, an bunga kan daga na itinao mo sa samo. Nagigibo ninda an anoman na boot ninda sa samong mga hawak saka sa samong mga hayop, asin dakula an samong kahorasaan!”

An Libro ni Job 12:18

Hinahale niya sa trono an mga hade dangan ginigibo sindang mga bilanggo;

Isaias 10:8

Nagsabi siya, “Gabos hade an sakong mga opisyal!

Isaias 36:9

Tadaw ta malaban siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka mga parakabayo?

Mga Panambitan 3:7

Magabat na kadena an iginapos niya sako; saro akong bilanggo na mayong paglaom na makadulag.

Deuteronomio 28:36

“Kamo asin an saindong hade dadarahon nin Kagurangnan sa sarong dayuhan na daga, na dai pa nindo naaraman ni kan saindong mga ginikanan. Duman malingkod kamo sa mga dios-dios na gibo sa kahoy saka gapo.

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;