2 Mga Cronica 32:8 - Marahay na Bareta Biblia

⁸ Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

2 Mga Cronica 32:8 ပူးပေါင်းရင်းမြစ်များ

2 Mga Hade 18:5

Si Ezekias nanarig sa Kagurangnan, an Dios nin Israel; sa gabos na hade sa Juda mayo nin makakaarog saiya, maski an mga nagkaerenot o an mga nagsurunod saiya.

2 Mga Hade 6:16

Nagsimbag si Eliseo, “Dai ka matakot huli ta mas dakul kita ki sa sainda.”

1 Mga Cronica 5:22

Ginadan ninda an kadaklan sa mga kaiwal, huli ta pagboot nin Dios an gera. Padagos sindang nag-erok sa teritoryong idto sagkod kan panahon kan pagtapokan sainda.

2 Mga Cronica 13:12

An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

2 Mga Cronica 14:10

Nagluwas si Asa tanganing labanan siya, asin an duwang hukbo naghampangan sa Kapantayan nin Zefata sa Maresa.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

2 Mga Cronica 16:7

Kan panahon na iyan, nagdalaw an propetang si Hanani ki Asa na hade nin Juda, dangan nagsabi, “Huli ta nagsarig ka sa hade nin Siria asin bakong sa Kagurangnan na saimong Dios, nakadulag saimo an hukbo kan hade nin Siria.

2 Mga Cronica 20:15

Nagtaram si Jahaziel, “Dangoga, O Hadeng Jehosafat, asin kamo gabos na taga Juda saka taga Jerusalem! Nagtataram an Kagurangnan na dai kamo manluya o matakot sa atubang kan dakulang hukbong ini; huli ta bakong saindo an gerang ini kundi sa Dios.

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

2 Mga Cronica 32:15

Kaya dai kamo magpadaya o magpadagka ki Ezekias sa siring na paagi. Dai kamo magtubod saiya, huli ta mayo pang dios nin arin man na nasyon o kahadean na nagligtas kan saiyang banwaan sa sakong kamot o sa kamot kan sakuyang mga ginikanan. Kaya dai man kamo ikakaligtas sa sakong mga kamot kan saindong dios!”

An Libro ni Job 40:9

Makosog ka daw arog sa sako? Makakadaguldol daw an saimong tingog siring kakosog kan sakong tingog?

Salmo 118:8

Mas marahay an magsarig sa Kagurangnan ki sa maglaom sa tawo.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Mga Talinhaga 12:25

An kahaditan minapagabat kan puso nin tawo, alagad minapaogma saiya an marahay na tataramon.

Isaias 30:32

An lambang paghampak sainda nin Kagurangnan sasabayan kan tanog nin mga tamborin saka lira kan saiyang banwaan. An Dios mismo an makikilaban sa mga taga Asiria.

Isaias 31:3

Bakong mga dios an mga taga Egipto—mga tawo sana sinda. An saindang mga kabayo bakong mga espiritu, kundi laman. Kun unaton na nin Kagurangnan an saiyang kamot, magagaba an makosog na nasyon, asin mabagsak an maluyang nasyon na tinabangan kaini. Sabay sindang marurumpag.

Isaias 36:18

Mag-ingat kamo ta tibaad dayaon kamo ni Ezekias sa pag-isip na ililigtas kamo nin Kagurangnan. Ikinaligtas daw kan mga dios kan arin man na nasyon an saindang daga sa kamot kan emperador nin Asiria?

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Jeremias 17:5

Nagtataram an Kagurangnan, “Kokondenaron ko an tawong minatalikod sako asin minasarig sa saiyang kapwa, sa kosog nin sarong tawo na magagadanon.

Jeremias 42:11

Dai kamo matakot sa hade nin Babilonia. Kaibahan nindo ako, asin ililigtas ko kamo sa saiyang kapangyarihan.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mga Gibo 18:10

huli ta kaiba mo ako. Dai ka maaano huli ta dakul an mga parasunod ko sa syudad na ini.”

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Deuteronomio 20:3

‘Pagdangog, Israel. Makikigera kamo ngunyan na aldaw. Magmaisog kamo; dai kamo magtakig o matakot sa saindong mga kaiwal.

Deuteronomio 20:4

Iibahan kamo nin Kagurangnan na saindong Dios asin tatawan niya kamo nin kapangganahan.’

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.

2 Timoteo 4:22

Mapasaimong espiritu an Kagurangnan. An biyaya nin Dios mapasaindo gabos.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

1 Juan 4:4

Alagad sadiri kamo nin Dios, mga aki. Dinaog na nindo an mga bakong tunay na propeta, huli ta an Espiritu na yaon saindo mas mapangyari ki kan espiritu na yaon sa mga tawong sadiri kan kinaban.

1 Samuel 17:45

Nagsimbag si David, “Nagdigdi ka sako na may espada, garod asin kalasag, alagad nagdigdi ako saimo sa ngaran nin Kagurangnan, an Dios kan mga hukbo nin Israel, na saimong tinumangan.