2 Mga Cronica 32:33 - Marahay na Bareta Biblia

³³ Nagadan si Ezekias asin ilinubong sa itaas na kabtang kan mga lulubngan kan mga aking lalaki ni David. Sa saiyang pagkagadan, tinawan siya nin dakulang kaomawan kan mga taga Juda asin kan mga taga Jerusalem. Si Manases na saiyang aking lalaki iyo an nagsalihid saiya bilang hade.

2 Mga Cronica 32:33 ပူးပေါင်းရင်းမြစ်များ

1 Mga Hade 1:21

Kun dai mo gibohon iyan, ako asin an saimong aking si Solomon ibibilang na may sala pagkagadan mo.”

1 Mga Hade 11:43

Nagadan siya asin ilinubong sa Syudad ni David. Nagin kasalihid niya bilang hade an saiyang aking si Rehoboam.

1 Mga Hade 2:10

Nagadan si David asin ilinubong sa Syudad ni David.

2 Mga Hade 20:21

Nagadan si Ezekias, asin si Manases na saiyang aking lalaki iyo an nagsalihid saiya bilang hade.

2 Mga Cronica 16:14

Ilinubong siya sa lulubngan na gapo na tinuki niya duman sa Syudad ni David. An saiyang bangkay inandam ninda para sa paglubong sa paagi nin pagbugtak nin manlaen-laen na pahamot; dangan nagtambak sinda nin igatong asin naggibo nin dakulang kalayo sa pagmondo kan saiyang pagkagadan.

2 Mga Cronica 32:32

An iba pang ginibo ni Ezekias asin an saiyang marahay na mga gawe gabos nasusurat sa An Bisyon kan Propetang si Isaias, na aking lalaki ni Amoz asin sa An Kasaysayan kan mga Hade nin Juda asin Israel.

2 Mga Cronica 35:24

Kaya hinale siya ninda sa karwahe dangan ibinugtak sa saro pa niyang karwahe saka dinara sa Jerusalem. Duman siya nagadan asin ilinubong sa lulubngan kan mga hade. An saiyang pagkagadan pinagmondoan kan bilog na Juda saka Jerusalem.

Salmo 112:6

An matanos na tawo dai masasala; gigiromdomon siya sagkod pa man.

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Mga Bilang 20:29

Naaraman kan bilog na komunidad na gadan na si Aaron kaya nagmondo sinda para saiya sa laog nin treyntang aldaw.

Deuteronomio 34:8

Pinagmondoan siya kan banwaan nin Israel duman sa kapatagan nin Moab sa laog nin treyntang aldaw.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.

1 Samuel 25:1

Nagadan si Samuel asin nagtiripon an bilog na Israel; ipinagmondo ninda an saiyang pagkagadan. Dangan ilinubong siya sa saiyang harong sa Rama. Pakatapos kaini, nagpasiring si David sa kalangtadan nin Paran.