2 Mga Cronica 32:21 - Marahay na Bareta Biblia

²¹ An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

2 Mga Cronica 32:21 ပူးပေါင်းရင်းမြစ်များ

2 Samuel 24:16

Kan an Jerusalem na an raraoton kan anghel nin Kagurangnan, nagliwat siya nin isip dapit sa pagpadusa sa mga tawo. Tinaraman niya an anghel na nanggagadan kan mga tawo, “Ontok! Tama na!” An anghel yaon duman sa may ginikan ni Arauna na Jebuseo.

2 Mga Hade 19:20

Dangan nagpadara nin mensahe si Isaias ki Ezekias na bilang kasimbagan sa pamibi kan hade

2 Mga Cronica 32:20

Huli kaini, namibi saka naghagad nin tabang sa Dios si Ezekias asin an propetang si Isaias na aking lalaki ni Amoz.

2 Mga Cronica 32:22

Sa paaging ini ilinigtas nin Kagurangnan si Ezekias saka an banwaan nin Jerusalem sa kamot ni Senakerib, an emperador nin Asiria asin sa kamot kan iba pa nindang mga kaiwal. Ginibo nin Kagurangnan na mamuhay sinda sa katoninongan kaiba an mga kataraed na nasyon.

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Salmo 132:18

An mga kaiwal niya gugubingan ko nin kasopogan, alagad sa saiyang payo, an saiyang korona magkikinang.”

Salmo 18:50

Darakulang panggana itinatao niya sa saiyang hade, danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

Salmo 44:15

Bilog na maghapon disonra an kaatubang ko, asin sopog an nakatahob sa lalawogon ko,

Salmo 76:12

na minaputol kan hinangos nin mga prinsipe, na minatakot sa mga hade nin daga.

Salmo 76:5

An maiisog nindang soldados binawian kan saindang sinamsam, asin ngunyan nagkakatorog sa kagadanan; gabos nindang kosog asin kahusayan mayo nin kamugtakan.

Salmo 76:6

Sa saimong pagtuyaw, O Dios ni Jacob, an lunad asin an kabayo parehong nagadan.

Salmo 76:7

Alagad ika, Kagurangnan, kinatatakotan kan gabos. Mayo nin makakaatubang saimo kun ika anggot.

Mga Talinhaga 11:2

Kun minaabot an kapaabaw-abawan, minaabot man an kasosopgan; an kadonongan yaon sa mapakumbaba.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Isaias 10:8

Nagsabi siya, “Gabos hade an sakong mga opisyal!

Isaias 14:25

Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Isaias 36:9

Tadaw ta malaban siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka mga parakabayo?

Isaias 37:21

Dangan nagpadara si Isaias nin sarong mensahe ki Hadeng Ezekias bilang simbag sa pamibi kan hade,

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Jeremias 21:2

“Makiolay ka sa Kagurangnan para samo, huli ta an syudad sinasalakay ni Hadeng Nebukadnezzar nin Babilonia asin kan saiyang hukbo. Tibaad pa gibohon sato kan Kagurangnan an saro kan saiyang mga ngangalasan asin paatrason niya si Nebukadnezzar.”

Daniel 3:28

Nagsabi an hade, “Pag-omawon an Dios ni Sadrak, Mesak, asin ni Abednego! Sinugo niya an saiyang anghel asin ilinigtas an mga lalaking ini na naglilingkod saka nagsasarig sa saiya. Linapas ninda an sakong pagboot asin ibinugtak sa pag-alaman an saindang buhay ki sa magduko asin magsamba sa arin man na dios pwera sa Dios ninda.

Daniel 6:22

Ipinadara nin Dios an saiyang anghel tanganing tikomon an ngoso kan mga leon, kaya dai ako nakagat. Ginibo ini nin Dios huli ta aram niyang mayo akong kasalan saiya asin sa saimo, Mahal na Hade.”

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.