2 Mga Cronica 32:11 - Marahay na Bareta Biblia

¹¹ Sinabihan kamo ni Ezekias na ililigtas kamo kan Kagurangnan na saindong Dios sa samong mga kamot; alagad dinadaya niya kamo asin boot niyang magadan kamo sa gutom saka sa paha.

2 Mga Cronica 32:11 ပူးပေါင်းရင်းမြစ်များ

2 Mga Hade 18:27

Nagsimbag an opisyal, “Pinadigdi daw ako kan sakong emperador tanganing magsabi kan mga tataramon na ini sa saindong hade saka sa saindo sana, asin bakong sa mga tawong iyan na nagtuturukaw sa kudal, na siring saindo, makakan kan saindang odo dangan mainom kan saindang ihi?”

2 Mga Hade 18:30

Dai nindo siya pagtugotan na mapatubod kamo na ililigtas kamo nin Kagurangnan, asin na an syudad na ini dai itatao sa kamot kan emperador nin Asiria.

2 Mga Hade 19:10

tanganing sabihan, “An sinasarigan mong Dios nagtaram saimo na dai ka mahuhulog sa kamot ko. Dai ka magpadaya saiya.

2 Mga Cronica 32:10

“Ako, si Senakerib, an emperador nin Asiria, naghahapot kun ano an sinasarigan nindo, kaya nagpawalat kamo sa Jerusalem na napapalibotan na.

2 Mga Cronica 32:12

Siya an nagrumpag kan mga altar saka mga lugar na pagsasambahan sa Kagurangnan, dangan nagboot sa banwaan nin Juda asin Jerusalem na sa saro sanang altar dapat magsamba asin magtutong nin insenso.

2 Mga Cronica 32:15

Kaya dai kamo magpadaya o magpadagka ki Ezekias sa siring na paagi. Dai kamo magtubod saiya, huli ta mayo pang dios nin arin man na nasyon o kahadean na nagligtas kan saiyang banwaan sa sakong kamot o sa kamot kan sakuyang mga ginikanan. Kaya dai man kamo ikakaligtas sa sakong mga kamot kan saindong dios!”

Salmo 22:8

na an olay, “Nagsarig siya sa Kagurangnan; tadaw ta dai niya siya iliniligtas? Nawiwilihan siya nin Kagurangnan; tadaw ta dai siya tinatabangan?”

Salmo 3:2

Dakul an minasabi manongod sako: “Dai siya tatabangan nin Dios.”

Salmo 42:10

An mga pag-olog-olog kan sakong mga kaiwal garo mga lugad na minapasakit sako, mantang padagos sindang naghahapot, “Haen an saimong Dios?”

Salmo 71:11

Olay ninda, “Pinabayaan siya nin Dios; lamagon ta siya asin dakopon, huli ta mayo nin maligtas saiya.”

Isaias 36:12

Nagsimbag an opisyal, “Pinadigdi daw ako kan sakong emperador tanganing magsabi kan mga tataramon na ini sa saindong hade saka sa saindo sana, asin bakong sa mga tawong iyan na nagtuturukaw sa kudal na siring saindo, makakan kan saindong odo dangan mainom kan saindang ihi?”

Isaias 36:18

Mag-ingat kamo ta tibaad dayaon kamo ni Ezekias sa pag-isip na ililigtas kamo nin Kagurangnan. Ikinaligtas daw kan mga dios kan arin man na nasyon an saindang daga sa kamot kan emperador nin Asiria?

Mateo 27:43

Nagsasarig siya sa Dios asin sinasabi niya na Aki siya nin Dios; hilingon ta daw kun baga iligtas siya nin Dios ngunyan!”