2 Mga Cronica 31:4 - Marahay na Bareta Biblia

⁴ Pinagbotan man kan hade an mga nag-eerok sa Jerusalem na magdara kan mga dolot na kahirasan kan mga padi saka mga Levita, tanganing idusay ninda an bilog nindang panahon sa pag-otob kan kahagadan kan Katogonan nin Kagurangnan.

2 Mga Cronica 31:4 ပူးပေါင်းရင်းမြစ်များ

2 Mga Cronica 31:16

asin bakong sosog sa saindang mga kamaganakan. Hinirasan ninda an gabos na lalaki, treyntang taon an edad paitaas, na nagtrabaho sa Templo sosog sa saindang mga katongdan.

Ezekiel 44:30

Mapapasainda an pinakamarahay kan gabos na enot na ani, asin kan gabos na idinolot sako. Sa lambang paggibo nin tinapay kan mga tawo, itatao ninda sa mga padi an enot na naluto bilang atang, tanganing mag-abot sa saindang mga harong an sakuyang bendisyon.

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Galacia 6:6

Dapat hirasan kan tawong tinutukdoan kan mensahe nin Dios an saiyang maestro kan gabos na marahay na bagay na yaon saiya.

Deuteronomio 18:8

Arog kan ibang padi, mag-aako siya nin parehong kahirasan nin pagkakan, asin pwede niyang sarayon an ano man na padara kan saiyang pamilya.

Hebreyo 7:5

An mga padi na kapagarakian ni Levi, pinagbobotan kan Katogonan na magkolekta nin himoloan sa mga Israelita, maski an mga kahimanwa nindang ini gikan man ki Abraham.