2 Mga Cronica 31:14 - Marahay na Bareta Biblia

¹⁴ Si Kore, na aking lalaki kan Levitang si Imna na bantay kan Trangkahan sa Sirangan, iyo an namahala kan pag-ako asin paghiras kan mga boluntad na dolot sa Dios.

2 Mga Cronica 31:14 ပူးပေါင်းရင်းမြစ်များ

Genesis 46:17

Si Aser sagkod an mga aki kaining lalaki na si Imna, Isva, Isvi, Beria, asin an tugang nindang babae na si Sera. An mga aki ni Beria na si Heber asin Malkiel.

1 Mga Cronica 26:12

Pinaggrupo-grupo an mga bantay sa Templo sosog sa saindang mga pamilya, asin tinarawan sinda nin katongdan sa Templo arog sa ibang mga Levita.

1 Mga Cronica 26:14

Nanongod ki Selemias an trangkahan sa sirangan; an trangkahan sa amihan nanongod ki Zacarias, aki ni Selemias, sarong lalaking danay na nagtatao nin marahay na hatol.

1 Mga Cronica 26:17

Sa sirangan, anom an nagbabantay aroaldaw. Sa amihan, apat asin apat man sa habagat. Aroaldaw, apat an nagbabantay sa mga kwartong sarayan; duwa sa lambang kwarto.

2 Mga Cronica 31:13

Sampolong Levita an nasa irarom kan pamamahala ninda. An mga ini iyo si Jehiel, Azazias, Nahat, Asahel, Jerimot, Jozabad, Eliel, Ismakias, Mahat saka si Benaias. An pagpili sainda ginibo ni Ezekias asin ni Azarias, an Halangkaw na Padi.

2 Mga Cronica 31:15

Sa ibang syudad na pinag-erokan kan mga padi, tinabangan siya sa trabahong ini kan mga Levita na si Eden, Miniamin, Jesua, Semaias, Amarias saka Secanias. Ipinanao ninda an mga kakanon sa kapwa ninda mga Levita, sosog sa katongdan kan mga ini,

Esdras 1:4

An siisay man na mangaipo nin tabang sa saiyang pagbalik, dapat tabangan kan saiyang mga kataraed. Tatawan siya ninda nin plata saka bulawan, kakanon saka mga hayop, laen pa kan mga boluntad na atang para sa Templo nin Dios duman sa Jerusalem.”

Esdras 3:5

siring man an mga tinutong na atang, an mga dolot sa Pyesta nin Bagong Bulan asin sa iba pang itinalaan na pyesta nin Kagurangnan, dangan an boluntad na mga dolot sa Kagurangnan.

Esdras 7:16

Darahon mo man an gabos na plata saka bulawan na nakokolekta mo sa bilog na probinsya nin Babilon asin an boluntad na mga dolot kan mga tawo saka mga padi para sa Templo nin saindang Dios sa Jerusalem.

Nehemias 13:13

Bilang parapamahala kan mga kwartong sarayan, ibinugtak ko si Selemias na sarong padi, si Zadok na sarong paratukdo kan Katogonan, asin si Pedaias na sarong Levita. Si Hanan na aking lalaki ni Zaccur saka makoapo ni Mattanias iyo an katabang ninda. Aram kong an mga tawong ini maimbod sa paghiras ninda kan mga kakanon para sa saindang mga tugang.

Salmo 119:108

Akoa an sakong mga dolot nin pag-omaw, Kagurangnan, asin tukdoe ako kan saimong mga kabotan.

Levitico 2:10

An tada kan idinolot mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 22:18

“Sabihan mo si Aaron asin an saiyang mga aki patin an bilog na banwaan nin Israel na kun an sarong Israelita o an siisay man na dayuhan na nag-eerok sa Israel magdara nin sarong atang sa pag-otob nin sarong panuga o bilang sarong boluntad na dolot, kaipuhan mayo nin ano man na kaninan an hayop.

Levitico 23:38

An mga pyestang ini laen pa kan mga aldaw na Sabbath nin Kagurangnan, asin an mga dolot na ini laen man kan saindong mga regalo, mga dolot sa pag-otob nin panuga, asin mga boluntad na dolot na itinatao nindo sa Kagurangnan.)

Levitico 27:28

Alagad mayo nin siisay man na pwedeng magpabakal o magtubos kan ano man na idinusay na sa Kagurangnan, tawo man o hayop o daga. Sagkod pa man pagsadiri iyan nin Kagurangnan.

Mga Bilang 29:39

Iyo ini an mga pagsusundon manongod sa mga tinutong na atang, mga dolot na pagkakan, mga dolot na arak, saka mga dolot para sa katoninongan na idodolot nindo sa Kagurangnan sa saindong itinalaan na mga pyesta. Laen pa iyan kan mga dolot na itatao nindo sa pag-otob nin sarong panuga o bilang mga boluntad na dolot.

Deuteronomio 12:17

Dai nindo pagkakanon sa saindong mga pinag-eerokan an ano man na idinolot nindo sa Kagurangnan, siring man an mga himoloan kan saindong ani, kan saindong arak o kan saindong lana, an mga matua kan saindong mga baka saka mga karnero, an saindong mga panugang regalo sa Kagurangnan, an saindong mga boluntad na dolot sagkod an iba pa nindong mga sakripisyo.

Deuteronomio 12:6

Duman nindo idodolot an saindong mga tinutong na atang asin an iba pang mga sakripisyo, an saindong mga himoloan saka mga dolot, an saindong mga panugang regalo, an saindong mga boluntad na dolot sagkod an mga matua kan saindong mga baka asin mga karnero.

Deuteronomio 16:10

dangan selebraron nindo an Pyesta nin Pag-ani sa pag-omaw sa Kagurangnan na saindong Dios, sa pagdolot saiya nin sarong boluntad na atang sosog sa bendisyon na itinao niya saindo.