2 Mga Cronica 31:13 - Marahay na Bareta Biblia

¹³ Sampolong Levita an nasa irarom kan pamamahala ninda. An mga ini iyo si Jehiel, Azazias, Nahat, Asahel, Jerimot, Jozabad, Eliel, Ismakias, Mahat saka si Benaias. An pagpili sainda ginibo ni Ezekias asin ni Azarias, an Halangkaw na Padi.

2 Mga Cronica 31:13 ပူးပေါင်းရင်းမြစ်များ

1 Mga Cronica 24:5

Huli ta anas igwa nin mga opisyal kan templo saka mga opisyal nin Dios an kapagarakian ni Eleazar asin ni Itamar, an pag-organisar sainda ginibo sa paagi nin ripa.

2 Mga Cronica 29:12

An mga Levita na yaon duman iyo si Mahat na aking lalaki ni Amasai saka si Joel na aking lalaki ni Azarias kan kamaganakan ni Kohat; si Kis na aking lalaki ni Abdi saka si Azarias na aking lalaki ni Jehallelel kan kamaganakan ni Merari; si Joa na aking lalaki ni Zimna saka si Eden na aking lalaki ni Joa kan kamaganakan ni Gerson;

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

2 Mga Cronica 31:14

Si Kore, na aking lalaki kan Levitang si Imna na bantay kan Trangkahan sa Sirangan, iyo an namahala kan pag-ako asin paghiras kan mga boluntad na dolot sa Dios.

2 Mga Cronica 31:4

Pinagbotan man kan hade an mga nag-eerok sa Jerusalem na magdara kan mga dolot na kahirasan kan mga padi saka mga Levita, tanganing idusay ninda an bilog nindang panahon sa pag-otob kan kahagadan kan Katogonan nin Kagurangnan.

2 Mga Cronica 35:8

An saiyang mga opisyal boluntad man na nagtao para sa mga tawo, sa mga padi, saka sa mga Levita. Si Hilkias, an Halangkaw na Padi, si Zacarias saka si Jehiel, an mga opisyal na namamahala kan Templo, nagtao man nin dos mil seis syentos na kordero saka mga ogbon na kanding asin tres syentos na torong baka para sa mga sakripisyo.

Nehemias 11:11

Si Seraias, na aking lalaki ni Hilkias saka makoapo ni Mesullam. An iba niyang mga ginikanan iyo si Zadok, si Meraiot, saka si Ahitub na iyo an Halangkaw na Padi.