2 Mga Cronica 30:8 - Marahay na Bareta Biblia

⁸ Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

2 Mga Cronica 30:8 ပူးပေါင်းရင်းမြစ်များ

2 Mga Hade 23:26

Alagad dai nahale an makuring kaanggotan kan Kagurangnan laban sa Juda huli kan ginibo ni Hadeng Manases.

1 Mga Cronica 29:24

An gabos na lider asin mga soldados patin an iba pang mga aking lalaki ni David nanuga na magigin maimbod ki Hadeng Solomon.

2 Mga Cronica 28:11

Dangoga nindo ako, papulia nindo an mga binihag nindong mga kadugo tanganing dai kamo padusahan nin Kagurangnan sa saiyang kaanggotan.”

2 Mga Cronica 28:13

Nagsabi sinda, “Dai nindo pagdarahon digdi an mga bihag! Nagkasala kita sa Kagurangnan asin pinaanggot nyato siya, kaya maninigo kitang padusahan. Ngunyan boot pa nindong dagdagan an satong kasalan.”

2 Mga Cronica 29:10

Nasa puso ko ngunyan an pakipagtipan sa Kagurangnan, an Dios nin Israel, tanganing dai na siya maanggot satuya.

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

2 Mga Cronica 6:5

‘Magpoon kan aldaw na iluwas ko sa Egipto an sakong banwaan, dai pa ako nagpili nin syudad sa gabos na tribu nin Israel tanganing tugdokan ko nin Templo na pagsasambahan sako. Dai man ako nagpili nin siisay man na mamamayo kan sakong banwaan na Israel.

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

2 Mga Cronica 7:16

huli ta pinili asin kinonsagra ko ini bilang lugar na pagsasambahan sako sagkod lamang; babantayan saka aatamanon ko ini sa gabos na panahon.

Esdras 10:14

Kaya an mga opisyal na sana nyamo an mamahala kaini. Dangan an siisay man na igwa nin dayuhan na agom kaipuhan na magdigdi sa talaan na panahon, kaiba an mga lider asin an mga hukom kan saiyang syudad. Sa paaging ini, mahahale sato an kaanggotan nin Dios huli sa bagay na satong naginibo.”

Esdras 10:19

Nanuga sinda na susuhayan an saindang mga agom asin nagdolot sinda nin sarong lalaking karnero bilang sakripisyo para sa saindang mga kasalan.

Salmo 63:2

Magpahiling ka sako sa santwaryo; pahilingan sako an saimong kapangyarihan asin kamurawayan.

Salmo 68:24

O Dios, nahihiling an saimong mga solemneng prosesyon, an mga prosesyon nin sakong Dios, sakong hade, pasiring sa santwaryo.

Salmo 68:31

Maabot an mga sugo hale sa Egipto; mga kamot iitaas kan mga taga Etiopia sa pagpamibi sa Dios.

Salmo 73:17

sagkod na naglaog ako sa saimong Templo; dangan ko nasabotan an mangyayari sa mga maraot.

Salmo 78:49

Binutasan niya sainda an saiyang dakulang kaanggotan, kabaldian asin kakurihan, na naghugpa bilang mga anghel nin kagadanan.

Exodo 32:9

Nagtaram pa an Kagurangnan ki Moises, “Nahiling ko na matagas an payo kan mga tawong ini.

Jeremias 50:15

Kumurahaw kamo nin panggagana laban saiya sa palibot kan syudad! Nagsuko na an Babilon; bagsak na an saiyang bantayan asin rumpag na an saiyang mga kudal. Huli ta iyo ini an pagbalos ko. Balosa nindo siya; giboha nindo saiya an ginibo niya sa iba.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Juan 12:26

An boot maglingkod sako dapat magsunod sako, tanganing kun saen ako, duman man an naglilingkod sako. Oomawon kan Ama ko an siisay man na naglilingkod sako.”

Roma 10:21

Alagad dapit sa mga taga Israel, ini an sinasabi ni Isaias, “Maghapon akong naghalat sa pag-abot kan nasyon na matagas an payo saka matumang sako.”

Roma 6:22

Ngunyan na talingkas na kamo sa kasalan asin nagin mga oripon nin Dios, nag-aako na kamo nin kabanalan na an bunga, buhay na mayong kataposan.

Deuteronomio 10:16

Kaya poon ngunyan, magkuyog na kamo sa Kagurangnan asin dai na nindo pagpatagason an saindong payo.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Deuteronomio 6:17

Kuyogon nanggad nindo an gabos na togon na itinao niya saindo.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Kapahayagan 7:15

Kaya yaon sinda sa atubangan kan trono nin Dios, naglilingkod saiya aldaw-banggi sa laog kan saiyang templo. Aatamanon sinda kan nagtutukaw sa trono.