2 Mga Cronica 30:7 - Marahay na Bareta Biblia

⁷ Dai kamo mag-arog sa saindong mga ginikanan asin sa saindong mga kapwa Israelita, na dai nagin maimbod sa Kagurangnan na saindang Dios. Nahiling nindo an pagpadusa niya sainda.

2 Mga Cronica 30:7 ပူးပေါင်းရင်းမြစ်များ

2 Mga Cronica 26:18

tanganing pugolan siya. Nagsabi sa hade an mga ini, “Uzzias, mayo ka nin deretso na magtutong nin insenso sa Kagurangnan. An mga aki sana ni Aaron an kinonsagra tanganing maggibo kaiyan. Maghale ka sa banal na lugar na ini. Sala an saimong ginibo, asin dai ka na bebendisyonan nin Kagurangnan Dios.”

2 Mga Cronica 29:8

Kaya an kaanggotan nin Kagurangnan uminabot sa Juda saka sa Jerusalem, asin an ginibo niya sa mga ini nagin sarong bagay na pinagtakotan, nginalasan saka ikinasopog nin lambang saro, siring sa nahiling nindo.

Salmo 106:6

Nagkasala kami arog kan samong mga ginikanan; nagsombikal kami, guminibo nin karatan.

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Ezekiel 20:30

Kaya isabi mo sa mga Israelita na ini an tataramon ko: tadaw ta dinidigtaan nindo an saindong sadiri arog kan saindong mga ginigikanan, asin linalamag nindo an saindang mga dios-dios?