2 Mga Cronica 30:21 - Marahay na Bareta Biblia

²¹ Pitong aldaw na maogmang pinagselebrar kan mga tawo na nagtiripon sa Jerusalem an Pyesta kan Tinapay na mayo nin Lebadura. Sa bilog na kosog, aroaldaw na nag-omaw sa Kagurangnan an mga Levita saka mga padi.

2 Mga Cronica 30:21 ပူးပေါင်းရင်းမြစ်များ

2 Mga Cronica 20:21

Pakatapos niyang makihumapot sa mga tawo, pinagbotan niya an mga maawit nin pag-omaw sa Kagurangnan na magsulot kan gubing na pangpyesta, dangan pangenotan an hukbo mantang nag-aawit nin siring: “Omawon an Kagurangnan, huli ta an saiyang pagkamoot nagdadanay sagkod pa man.”

2 Mga Cronica 29:30

An mga Levita pinagbotan kan hade asin kan mga lider na awiton sa Kagurangnan an mga awit nin pag-omaw na sinurat ni David asin kan propeta na si Asaf. Nag-awit an gabos sa dakulang kaogmahan mantang nakadukong nagsasamba sa Dios.

2 Mga Cronica 30:11

Kadikit sana sa mga tribu ni Asher, ni Manases saka ni Zabulon an nagpakumbaba dangan nagduman sa Jerusalem.

2 Mga Cronica 30:26

Nagkaigwa nin dakulang kaogmahan sa Jerusalem, huli ta dai pa nagkaigwa nin siring na pangyayari magpoon kan panahon ni Hadeng Solomon na aki ni David.

2 Mga Cronica 35:17

Sa laog nin pitong aldaw, an gabos na Israelita na yaon duman nagselebrar kan Paskwa asin kan Pyesta kan Tinapay na Mayo nin Lebadura.

2 Mga Cronica 7:10

dangan kan sunod na aldaw, an ikabeynte y tres na aldaw kan ikapitong bulan, pinapuli ni Solomon an mga tawo sa saindang harong. Nag-orogma sinda gabos huli sa karahayan na ipinahiling nin Kagurangnan ki David, ki Solomon, asin sa bilog na Israel.

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

Nehemias 8:17

An gabos na nagbalik hale sa pagkatapokan naggibo nin harong-harong dangan nag-erok duman. Dakula an saindang kaogmahan huli ta haloy nang dai sinda naggibo kaini; an huring paggibo ninda iyo kan panahon pa ni Josue na aking lalaki ni Nun.

Exodo 12:15

Nagtaram an Kagurangnan, “Pitong aldaw kamong magkakan nin tinapay na mayo nin lebadura. Sa enot na aldaw, hahaleon nindo an gabos na lebadura sa saindong mga harong huli ta an siisay man na magkakan nin tinapay na igwa nin lebadura sa laog kan pitong aldaw na iyan, dai ko na ibibilang na kaayon sa sakong banwaan.

Exodo 13:6

Sa laog nin pitong aldaw magkakan kamo nin tinapay na mayo nin lebadura asin sa ikapitong aldaw magpyesta kamo para sa Kagurangnan.

Levitico 23:6

Sa ikakinseng aldaw, mapoon an Pyesta kan Tinapay na Mayo nin Lebadura para sa Kagurangnan. Sa masunod na pitong aldaw, tinapay na mayo nin lebadura an saindong kakakanon.

Lukas 2:43

Pakatapos kan pyesta, nagbaklay sinda papuli, alagad nagpawalat si Jesus sa Jerusalem na dai aram kan saiyang mga magurang.

Lukas 22:1

Madali na an Pyesta kan Tinapay na Mayo nin Lebadura na inaapod Paskwa.

Lukas 22:7

Uminabot an aldaw kan Pyesta nin Tinapay na Mayo nin Lebadura, aldaw nin pagbuno kan kordero para sa Paskwa.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 16:14

Mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo, asin mga babaeng balo na nag-eerok sa saindong mga banwa.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!