2 Mga Cronica 30:12 - Marahay na Bareta Biblia

¹² Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

2 Mga Cronica 30:12 ပူးပေါင်းရင်းမြစ်များ

2 Mga Cronica 29:15

Tinipon kan mga lalaking ini an kapwa ninda mga Levita asin naglinig sinda kan saindang sadiri. Dangan sa pagboot kan hade, lininigan ninda an Templo sosog sa Katogonan nin Kagurangnan.

2 Mga Cronica 29:25

Kinuyog kan hade an mga pagboot nin Kagurangnan na itinao ki Hadeng David sa paagi ni Gad, na propeta kan hade, asin sa paagi kan propeta na si Natan; nagbugtak siya nin mga Levita sa Templo, na may mga gimbal, mga arpa saka mga lira,

2 Mga Cronica 29:36

Naogma si Hadeng Ezekias asin an banwaan huli ta tinabangan sinda nin Dios na magibo tolos an gabos na ini.

2 Mga Cronica 8:15

Kinuyog nanggad kan mga padi asin kan mga Levita an gabos na pagboot ni David manongod sa mga kayamanan saka iba pang mga bagay.

Esdras 7:27

Nagsabi si Esdras, “Pagomawon an Kagurangnan, an Dios nin samuyang mga ginikanan, na naghiro kan puso kan emperador tanganing pagayonon an Templo nin Kagurangnan sa Jerusalem,

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Jeremias 24:7

Itatao ko sainda an pusong mag-aako na ako iyo an Kagurangnan. Dangan magigin banwaan ko sinda, asin ako an magigin Dios ninda, huli ta mabalik sinda sako sa bilog nindang puso.

Jeremias 32:39

Itatao ko sainda an sarong katuyohan sa buhay, an omawon ako sa gabos na panahon para sa sadiri nindang karahayan asin sa karahayan kan saindang mga kapagarakian.

Ezekiel 36:26

Tatawan ko kamo nin bagong puso, asin bubugtakan ko kamo nin bagong espiritu. Hahaleon ko sa saindo an sutil na pusong gapo asin tatawan ko kamo nin pusong makinuyog.

Mga Gibo 4:19

Alagad sinimbag sinda ni Pedro saka ni Juan, “Kamo an maghukom kun arin an tama sa atubang nin Dios: an pagkuyog saindo o an pagkuyog sa Dios?

2 Corinto 3:5

Mayo kami nin anoman na kakayahan na masasabi nyamo na hale samuya, huli ta an samong kakayahan gikan sa Dios.

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

Filipos 2:13

huli ta nagtatrabaho saindo an Dios tanganing mawoton asin gibohon nindo an saiyang katuyohan.

1 Tesalonica 4:2

Aram na nindo an mga katukdoan na itinao mi saindo huli ki Jesus na Kagurangnan.

Hebreyo 13:20

An Dios iyo an nagbuhay liwat ki Jesus na satong Kagurangnan, an Dakulang Pastor kan mga karnero, na an dugo iyo an tanda kan daing kataposan na tipan.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.