2 Mga Cronica 30:10 - Marahay na Bareta Biblia

¹⁰ An mga sinugo naglibot sa lambang syudad sa bilog na teritoryo kan mga tribu ni Efraim saka ni Manases, sagkod sa harayong tribu ni Zabulon, alagad pinagngisihan asin pinagtuyatuya sinda kan mga tawo.

2 Mga Cronica 30:10 ပူးပေါင်းရင်းမြစ်များ

Genesis 19:14

Kaya dinuman ni Lot an mga lalaking gustong mag-agom kan duwa niyang daraga asin sinabihan, “Maghale tolos kamo digdi; tutunawon nin Kagurangnan an syudad na ini.” Alagad an mga ini naghona na nagkakalwag sana si Lot.

2 Mga Cronica 30:6

Naglibot sa bilog na Israel saka Juda an mga sugo dara an mga surat kan hade asin kan mga opisyal na nagpapahayag nin siring: “Banwaan nin Israel, nakaligtas kamo sa kamot kan mga hade nin Asiria. Kaya magbalik kamo sa Kagurangnan, an Dios ni Abraham, ni Isaac saka ni Jacob, asin mabalik man saindo an Dios.

2 Mga Cronica 34:9

Nagduman sinda ki Hilkias na Halangkaw na Padi saka itinao an kwarta na natipon sa Templo kan mga bantay na Levita. An kwartang ini iyo an nakolekta sa mga banwaan nin Efraim saka Manases asin sa ibang kabtang kan Kahadean sa Amihan, patin sa banwaan nin Juda, Benjamin saka Jerusalem.

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Nehemias 2:19

Kan madangog ini ni Sanballat kan Bet-horon, ni Tobias na opisyal kan Ammon asin ni Gesem na Arab, nginisihan ninda kami. Nagtutuyatuya sindang nagsabi, “Ano sa paghona nindo an saindong ginigibo? Marebelde kamo laban sa emperador?”

Esther 3:13

An mga surat na ini dinara kan mga sinugo sa lambang probinsya kan imperyo. An laog kan mga surat iyo an pagboot na gadanon an gabos na Judio, hoben saka gurang, mga babae sagkod mga aki, sa laog nin sarong aldaw, sa ikatreseng aldaw nin Adar. Daing herak sindang gagadanon asin sasamsaman kan saindang pagsadiri.

Esther 3:15

Sa pagboot kan hade, nagluwas tolos an mga sugo, asin an dekreto ipinahayag sa Susa, an pangenot na syudad. Mantang maogmang nag-iinoman an hade saka si Haman, nagkariribok an gabos na taga Susa.

Esther 8:10

Isinurat ini sa ngaran kan hade saka sinelyohan kan saiyang singsing. An mga surat dinara kan mga sugo, na nakalunad sa maririkas na kabayong hale sa kwadra kan hade.

Esther 8:14

Sa pagboot kan hade, nagluwas tolos an mga sugo, na nakalunad sa maririkas na kabayo kan hade. An dekreto ipinahayag man sa Susa, an pangenot na syudad.

An Libro ni Job 12:4

Ako nagin ngingisihan ngunyan kan sakong mga katood; ako, na nag-apod sa Dios asin sinimbag niya, ako, na matanos saka mayong sala.

An Libro ni Job 9:25

“Mas marikas an sakong mga aldaw ki sa paradalagan; nagdadalagan an mga iyan, gabos mayong karahayan.

Jeremias 38:19

Nagsimbag an hade, “Natatakot ako sa mga Judio na nag-apil sa mga taga Babilonia. Tibaad itao ako sainda saka pasakitan.”

Lukas 16:14

Nadangog ini gabos kan mga Fariseong makikwarta, kaya pinagngisihan ninda si Jesus.

Lukas 23:35

An mga tawong yaon duman nagmamasid mantang an mga lider na Judio nagtutuya-tuya saiya. An sabi ninda, “Ilinigtas niya an iba; iligtas man niya ngunyan an sadiri niyang buhay kun talagang siya an Cristo, an pinili nin Dios!”

Lukas 8:53

Alagad pinagngisihan ninda si Jesus huli ta aram nindang gadan na an aki.

Mga Gibo 17:32

Kan madangog ninda an sinabi ni Pablo dapit sa pagkabuhay liwat, pinagtuya-tuya siya kan iba, alagad an iba man nagsabi, “Boot ming magtaram ka giraray dapit kaini.”

Hebreyo 11:36

May pinagtuya-tuya saka pinaghampak; may ginapos asin binilanggo.