2 Mga Cronica 30:1 - Marahay na Bareta Biblia

^1-3 Dai nakapagselebrar kan Paskwa an mga tawo sa tamang panahon sa enot na bulan, huli ta kulang an mga padi na nakapaglinig kan sadiri saka kulang an mga tawong nagtiripon sa Jerusalem. Kaya si Hadeng Ezekias, an saiyang mga opisyal asin an banwaan nin Jerusalem nagkaoroyon na selebraron an Paskwa sa ikaduwang bulan. Nagpasugo an hade sa gabos na banwaan nin Israel saka Juda. Nagpadara man siya nin mga surat para sa mga tribu nin Efraim saka Manases tanganing alokon sinda na magduman sa Templo sa Jerusalem sa pagselebrar kan Paskwa sa pag-omaw sa Kagurangnan, an Dios nin Israel.

2 Mga Cronica 30:1 ပူးပေါင်းရင်းမြစ်များ

2 Mga Hade 23:22

Mayong Paskwang arog kaini an senelebrar kan arin man sa mga hade nin Israel o nin Juda, magpoon kan panahon kan mga hukom na namayo sa Israel.

2 Mga Cronica 11:13

An mga padi asin an mga Levita sa bilog na Israel nagpasiring sa Juda.

2 Mga Cronica 11:16

Hale sa gabos na tribu nin Israel, an gabos na nagmawot nin tudok sa puso na pagsamba sa Kagurangnan, an Dios nin Israel, nagsurunod sa mga Levita pasiring sa Jerusalem tanganing magdolot nin mga atang sa Kagurangnan, an Dios kan saindang mga ginikanan.

2 Mga Cronica 25:7

Alagad sarong propeta an nagdolok sa hade asin nagsabi, “Mahal na hade, dai mo ipag-iba an hukbo nin Israel, huli ta an Kagurangnan dai maiba sa mga lalaking ini na hale sa Kahadean sa Amihan.

2 Mga Cronica 29:24

Pakatapos, binuno kan mga padi an mga kanding, dangan an dugo kan mga ini inula ninda sa altar bilang atang para sa kasalan kan bilog na Israel, huli ta nagboot an hade na an tinutong na atang saka an dolot para sa kasalan kaipuhan iatang para sa bilog na Israel.

2 Mga Cronica 29:36

Naogma si Hadeng Ezekias asin an banwaan huli ta tinabangan sinda nin Dios na magibo tolos an gabos na ini.

2 Mga Cronica 35:6

Bunoon nindo an korderong Pangpaskwa. Magpakabanal kamo asin andamon nindo an mga sakripisyo, tanganing an kapwa nindo mga Israelita magsunod kan mga katukdoan na itinao nin Kagurangnan sa paagi ni Moises.”

Jeremias 29:1

Nagsurat ako sa mga padi, sa mga propeta, sa mga lider kan banwaan, asin sa iba pang ipinatapok ni Nebukadnezzar sa Babilonia hale sa Jerusalem.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Oseas 5:4

An karatan na ginibo kan mga tawo iyo an nakakaolang sainda sa pagbalik ninda sa Dios. Huli ta an epiritu nin pakikipagdorogan yaon sa sainda asin dai ninda midbid an Kagurangnan.