2 Mga Cronica 3:8 - Marahay na Bareta Biblia

⁸ An pinakalaog na kwarto, an Kabanal-banaleng Lugar, may sukol na siyam na metros an laba, pareho kan lakbang kan Templo, asin siyam na metros an lakbang. Sobra sa beynte toneladang bulawan an ginamit sa pagpatos kan mga lanob kan Kabanal-banaleng Lugar.

2 Mga Cronica 3:8 ပူးပေါင်းရင်းမြစ်များ

1 Mga Hade 6:16

Sa pinakahuring parte kan Templo, igwa nin ginibong sarong kwarto na nasa laog nin marahay, na inapod Kabanal-banaleng Lugar. An kwartong ini siyam na metros an laba na nalalanoban nin mga mahimpis na tablang sedro magpoon sa salog sagkod sa kisame.

Exodo 26:33

Isabit nindo an kurtina sa nakarayang mga kawit na yaon sa atop kan Tabernakulo, dangan ibugtak nindo sa likod kan kurtina an Kaban nin Tipan na nasasarayan kan duwang tablang gapo. An kurtina iyo an malaen kan Banal na Lugar sa Kabanal-banaleng Lugar.

Ezekiel 41:4

Sinukol niya an kwarto: dyes metros kwadrado ini. Dangan sinabihan niya ako, “An pinakalaog na kwartong ini iyo an Kabanal-banaleng Lugar.”

Hebreyo 10:19

Kun siring, mga tugang, may pagsarig kitang maglaog sa Kabanal-banaleng Lugar huli sa dugo ni Jesus.

Hebreyo 9:3

Nasa likod kan ikaduwang kurtina an ikaduwang kabtang na inapod Kabanal-banaleng Lugar.

Hebreyo 9:9

Ini gabos sarong tanda na ipinapanongod sa panahon ngunyan. An boot sabihon, an mga regalo saka mga atang na idinodolot sa Dios dai nakakapalinig sa konsyensya kan nagsasamba saiya.