2 Mga Cronica 3:4 - Marahay na Bareta Biblia

⁴ An balkon sa atubangan kan Templo igwa nin sukol na siyam na metros an laba, siring kan lakbang kan mismong Templo, asin singkwenta y kwatro metros an langkaw. An lanob kan balkon pinatos niya nin purong bulawan.

2 Mga Cronica 3:4 ပူးပေါင်းရင်းမြစ်များ

1 Mga Hade 6:3

An balkon igwa nin sukol na apat na metros may kabanga an laba asin siyam na metros an lakbang, siring kan lakbang kan mismong santwaryo.

2 Mga Cronica 29:17

Pinonan ninda an paglinig kan Templo sa enot na aldaw kan enot na bulan, asin pag-abot kan ikawalong aldaw nalinigan na ninda an gabos sagkod an balkon kan Templo. Dangan sa laog nin walong aldaw inandam ninda an Templo para sa pagsamba, asin natapos an trabaho pag-abot kan ikadyes y seis na aldaw kan enot na bulan.

Ezekiel 40:48

Dangan ipinag-iba ako kan lalaki sa kwartong agihan palaog sa Templo. Sinukol niya an laogan kaini; duwang metros may kabanga an rarom kaini, asin pitong metros an lakbang. An mag-ibong na lanob kan agihan igwa nin hibog na sarong metro may kabanga.

Juan 10:23

Tiglipotan kaidto asin naglalakaw si Jesus duman sa Templo, sa Balkon ni Solomon.

Mga Gibo 3:11

Mantang nakakapot an lalaki ki Pedro saka ki Juan duman sa “Balkon ni Solomon,” nagdalagan pasiring sainda an mga tawo na nagngangalas sa nangyari.

Mga Gibo 5:12

Kadakul na milagro saka ngangalasan an ginibo sa mga tawo kan mga apostol. An gabos na paratubod nagtiripon duman sa Balkon ni Solomon.