2 Mga Cronica 29:5 - Marahay na Bareta Biblia

⁵ dangan sinabihan, “Dangoga nindo ako, mga Levita! Magpakabanal kamo asin pakabanalon nindo an Templo nin Kagurangnan, an Dios kan saindong mga ginikanan. Haleon nindo sa banal na lugar na ini an anoman na ati.

2 Mga Cronica 29:5 ပူးပေါင်းရင်းမြစ်များ

1 Mga Cronica 15:12

dangan sinabihan, “Kamo an mga namamayo kan mga kamaganakan ni Levi. Magpakabanal kamo asin an kapwa nindo mga Levita, tanganing pwede kamong magdara kan Kaban nin Tipan nin Kagurangnan, an Dios nin Israel, pasiring sa lugar na inandam ko para digdi.

2 Mga Cronica 29:34

Alagad kadikit sana an mga padi asin dai ninda kayang bunoon an gabos na hayop, kaya tinabangan sinda kan mga Levita sagkod na matapos an trabaho, asin sagkod na makapaglinig kan saindang sadiri an ibang mga padi. (Mas maimbod an mga Levita sa paglinig kan saindang sadiri ki sa mga padi.)

2 Mga Cronica 29:4

An mga padi saka an mga Levita tinipon niya sa sirangan na parte kan patyo kan Templo

2 Mga Cronica 35:6

Bunoon nindo an korderong Pangpaskwa. Magpakabanal kamo asin andamon nindo an mga sakripisyo, tanganing an kapwa nindo mga Israelita magsunod kan mga katukdoan na itinao nin Kagurangnan sa paagi ni Moises.”

Nehemias 12:30

Ginibo kan mga padi saka mga Levita an seremonya nin paglinig para sa sadiri, sa mga tawo, sa mga trangkahan, asin kudal kan syudad.

Nehemias 13:9

Dangan nagboot ako na linigan an mga kwarto asin ibalik sa laog kan Templo an mga kagamitan, an mga dolot na pagkakan saka an insenso.

Salmo 93:5

An saimong mga togon mayo nin kataposan, Kagurangnan, asin totoong banal an saimong Templo, sa panahon na daing kataposan.

Exodo 19:10

Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Exodo 19:15

Sinabihan sinda ni Moises, “Magin andam kamo sa ikatolong aldaw; mayo ngona nin magdorog.”

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Ezekiel 8:3

Inunat niya an garo sarong kamot dangan pinugol ako sa buhok. Dangan sa bisyon na ini, initaas ako kan espiritu nin Dios asin dinara sa Jerusalem. Dinara niya ako sa palaog kan trangkahan sa amihan kan Templo, saen namumugtak an sarong ladawan na sarong insulto sa Dios.

Ezekiel 8:6

Sinabihan ako nin Dios, “Aki nin tawo, nahihiling mo an ginigibo ninda, an makauuyam na mga bagay na ginigibo digdi kan mga Israelita, kun paano ninda ako orog na pinapaharayo sa sakong santwaryo? Alagad makakahiling ka pa nin orog pang makauuyam na mga bagay.”

Joel 2:16

Tipona an mga tawo; andama sinda sa sarong banal na pagtiripon; tipona an mga gurang, kaakian asin an mga pasosong omboy. Maski an mga bago pa sanang kasalon kaipuhan na magluwas sa saindang kwarto dangan magduman.

2 Corinto 6:16

Paanong magkaoyon an templo nin Dios asin an mga dios-dios? Huli ta kita iyo an templo kan Dios na buhay! Siring sa sinabi nin Dios, “Mag-eerok ako sainda asin maglalakaw sa kaibahan ninda; ako an magigin Dios ninda, sinda an magigin banwaan ko.”

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.