2 Mga Cronica 29:30 - Marahay na Bareta Biblia

³⁰ An mga Levita pinagbotan kan hade asin kan mga lider na awiton sa Kagurangnan an mga awit nin pag-omaw na sinurat ni David asin kan propeta na si Asaf. Nag-awit an gabos sa dakulang kaogmahan mantang nakadukong nagsasamba sa Dios.

2 Mga Cronica 29:30 ပူးပေါင်းရင်းမြစ်များ

2 Mga Cronica 23:18

An mga padi asin an mga Levita iyo an ginibo ni Jehoiada na parapamahala kan trabaho sa Templo. Katongdan ninda na kuyogon an pagboot ni Hadeng David asin magdolot nin mga tinutong na atang sa Kagurangnan, sosog sa nasusurat sa Katogonan ni Moises. Sinda man an parapamahala kan musika asin kan mga selebrasyon.

2 Mga Cronica 30:21

Pitong aldaw na maogmang pinagselebrar kan mga tawo na nagtiripon sa Jerusalem an Pyesta kan Tinapay na mayo nin Lebadura. Sa bilog na kosog, aroaldaw na nag-omaw sa Kagurangnan an mga Levita saka mga padi.

2 Mga Cronica 30:23

nagka-oroyon an mga tawo na ipadagos an pyesta nin pito pang aldaw; kaya maogma sindang nagpadagos kan selebrasyon.

2 Mga Cronica 30:26

Nagkaigwa nin dakulang kaogmahan sa Jerusalem, huli ta dai pa nagkaigwa nin siring na pangyayari magpoon kan panahon ni Hadeng Solomon na aki ni David.

2 Mga Cronica 7:3

Kan mahiling kan bilog na Israel an kalayo na naghilig hale sa langit asin an kamurawayan nin Kagurangnan na nakapano sa Templo, nagdapa sinda, nagsamba saka nagpasalamat sa Kagurangnan, huli kan saiyang pagkamarahayon asin pagkamoot na daing kataposan.

Esdras 6:16

Dangan an Templo maogmang kinonsagra kan banwaan nin Israel—kan mga padi, mga Levita, asin kan gabos na nagbalik hale sa pagkatapokan.

Esdras 6:22

Sa laog nin pitong aldaw, maogmang pinagselebrar ninda an Pyesta kan Tinapay na Mayo nin Lebadura. Maogma sinda huli ta ginibo nin Kagurangnan na mawilihan sinda kan emperador nin Asiria, tanganing tabangan sinda sa pagtugdok giraray kan Templo kan Dios nin Israel.

Nehemias 12:46

Magpoon kan panahon ni David saka ni Asaf, an mga parakanta iyo an nangenot sa mga awit nin pag-omaw saka pagpasalamat sa Dios.

Salmo 106:12

Saka sinda nagtubod sa tataramon niya, asin nag-awit nin pag-omaw saiya.

Salmo 149:2

Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Salmo 32:11

Mag-ogma kamo sa Kagurangnan maggayagaya kamong mga matanos. Magkurahaw kamo sa kaogmahan, kamong mga nagkukuyog saiya!

Salmo 50:1

An Makakamhan na Dios, an Kagurangnan, nagtataram; inaapod niya an bilog na daga magpoon sa sirangan sagkod sa solnopan.

Salmo 95:6

Madya, magduko asin magsamba kita, lumuhod kita sa atubang nin Kagurangnan na satong Kaglalang!

Salmo 96:9

Sambahon nindo an Kagurangnan sa saiyang pagdatong; magtakig sa saiyang atubang an bilog na kinaban!

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!